விஜய் நடிக்கும் கடைசி படம் ஜனநாயகன் என ஏற்கனவே அறிவிப்பு வெளியானது. சினிமாவில் இருந்து விடை பெறும் விஜய்யின் கடைசி படத்துக்காக ரசிகர்கள் ஆவலோடு காத்துள்ளனர்.
வரும் ஜனவரி 9ஆம் தேதி ஜனநாயகன் படம் உலகம் முழுவதும் வெளியாகும் நிலையில், நாளை மலேசியாவில் இசை வெளியீட்டு விழா நடத்த உள்ளனர். தமிழ்நாட்டில் சட்டம் ஒழுங்கு பிரச்சனை ஏற்படும் என்பதால் விழா வெளிநாடுக்கு மாற்றப்பட்டிருந்தது.
இந்த நிலையில் விஜய்யின் கடைசி திரைப்படம் என்பதால் ஏராளமான திரைப்பிரபலங்கள் மலேசியா ஆடியோ வெளியீட்டு விழாவில் பங்கேற்பார்கள் என கூறப்பட்டு வருகிறது. அந்த வகையில், இயக்குநர் நெல்சன், அட்லீ ஆகியோர் மலேசியா புறப்பட்டுள்ளதாக கூறப்படுகிறது.
இன்று காலை விஜய் சென்னை விமான நிலையத்தில் இருந்து மலேசியா புறப்பட்ட வீடியோ இணையத்தில் வைரலாகி வருகிறது. அது போல ரசிகர்கள் பலர் ஆடியோ வெளியீட்டு விழாவில் பங்கேற்க மலேசியா புறப்பட்டனர். இதனால் சென்னை விமான நிலையம் ஸ்தம்பித்திருந்தது.
தற்போது நடிகரும், தொகுப்பாளருமான ரியோ ராஜ் ஜனநாயகன் ஆடியோ வெளியீட்டு விழாவில் தொகுக்க உள்ளதாக தகவல் வெளியாகியுள்ளது. அவரும் மலேசியா புறப்பட்டு சென்றுள்ளதாக சமூகவலைதளங்களில் தகவல் பரவி வருகிறது.
GUESS WHO’S HERE??? 🎬🔥
— KVN Productions (@KvnProductions) December 26, 2025
NELSON !!!!!! 😎💥
Yes, he has officially landed for Thalapathy Katcheri ✨
The excitement just hit a whole new level —
ARE YOU READY? 🕺🔥
Because this is about to get MASSIVE 💣🎶@KvnProductions @malikstreams pic.twitter.com/teCe2cvPLt
ஒரு பக்கம் தனுஷ் செல்ல உள்ளார் என்று முன்கூட்டியே சொல்லப்பட்டது. அது எந்த அளவுக்கு உண்மை என்பது தெரியவில்லை. ஆனால் ஜனநாயகன் படத்தை தயாரிக்கும் கேவிஎன் நிறுவனம், நெல்சன் மலேசியா புறப்பட்டுள்ள வீடியோவை அதிகாரப்பூர்வமாக பகிர்ந்துள்ளது.
