மலையாளத்தில் வெளியான Falimy படத்தின் மூலம் கவனம் பெற்ற இயக்குநர் நிதீஷ் சஹதேவ், தனது இரண்டாவது இயக்கமாக தமிழில் தலைவர் தம்பி தலைமையில் படத்தை உருவாக்கியுள்ளார்.
இப்படத்தில் நடிகர் ஜீவா கதாநாயகனாக நடித்துள்ள நிலையில், இளவரசு, தம்பி ராமையா மற்றும் பிரார்த்தனா உள்ளிட்டோர் முக்கிய கதாபாத்திரங்களில் நடித்துள்ளனர்.
பொங்கல் பண்டிகையை முன்னிட்டு திரையரங்குகளில் வெளியான தலைவர் தம்பி தலைமையில் படம், வெளியான முதல் நாளிலிருந்தே ரசிகர்களிடையே நல்ல வரவேற்பைப் பெற்று வருகிறது. இதன் பிரதிபலனாக, வசூல் ரீதியாகவும் படம் கணிசமான முன்னேற்றத்தை காட்டியுள்ளது.
தற்போது 9 நாட்களை வெற்றிகரமாக நிறைவு செய்து திரையரங்குகளில் தொடர்ந்து ஓடிக்கொண்டிருக்கும் இந்த படம், உலகளவில் இதுவரை ரூ.25 கோடிக்கு மேல் வசூல் செய்துள்ளதாக படக்குழு தரப்பில் தெரிவிக்கப்பட்டுள்ளது.
