தமிழக அரசியலில் பெரும் எதிர்பார்ப்பை ஏற்படுத்தியுள்ள மதுராந்தகம் (தனி) மற்றும் தாராபுரம் (தனி) சட்டமன்றத் தொகுதிகளுக்கான இடைத்தேர்தல் வாக்குப்பதிவு இன்று காலை 7 மணிக்குத் தொடங்கி அமைதியான முறையில் நடைபெற்று வருகிறது. பொதுமக்கள் ஆர்வமுடன் தங்கள் ஜனநாயகக் கடமையாற்றி வருவதால் வாக்குச்சாவடிகளில் நீண்ட வரிசைகள் காணப்படுகின்றன.
திருமணப் பெண்களுக்கு செம குட் நியூஸ்.. 8 கிராம் தங்கம், பட்டுப் புடவை பெற அரசாணை வெளியீடு..!
கடந்த சட்டமன்றத் தேர்தலின் தொடர்ச்சியாக தற்போதைய அரசியல் சூழலில் நடக்கும் இந்தத் தேர்தல் அனைத்துக் கட்சிகளுக்கும் மிக முக்கியமானதாகக் கருதப்படுகிறது.
ஆளுங்கட்சியான திமுக, எதிர்க்கட்சியான அதிமுக மற்றும் தவெக உள்ளிட்ட கட்சிகளின் வேட்பாளர்கள் தீவிரப் பிரசாரங்களை மேற்கொண்ட நிலையில், இன்று காலை முதல் மக்கள் வாக்களித்து வருகின்றனர். தேர்தலைச் சுமுகமாகவும் நேர்மையாகவும் நடத்தத் தேர்தல் ஆணையம் சார்பில் அனைத்து ஏற்பாடுகளும் செய்யப்பட்டுள்ளன. வாக்குப்பதிவு மாலை 6 மணியுடன் நிறைவடைய உள்ள நிலையில், பதிவான வாக்குகள் அனைத்தும் வரும் அக்டோபர் 9-ம்தேதி எண்ணப்பட்டு அன்றே தேர்தல் முடிவுகள் வெளியிடப்பட உள்ளன.
