தமிழ் சினிமா உலகமே ஆவலுடன் எதிர்பார்த்துக் காத்திருந்த சூப்பர் ஸ்டார் ரஜினிகாந்தின் ‘ஜெயிலர் 2’ படத்தின் அதிரடி டிரெய்லர் வெளியாகி ரசிகர்களை உற்சாக வெள்ளத்தில் ஆழ்த்தியுள்ளது. சன் பிக்சர்ஸ் தயாரிப்பில் இயக்குநர் நெல்சன் இயக்கத்தில் உருவாகியுள்ள இப்படம், முதல் பாகத்தின் வெற்றியைத் தாண்டி பன்மடங்கு மாஸாக இருக்கும் என்பதை இந்த டிரெய்லர் உறுதி செய்துள்ளது. டைகர் முத்துவேல் பாண்டியனின் ஸ்டைலான மேக்கிங் மற்றும் மாஸ் என்ட்ரி திரையரங்குகளை அதிரவைக்கும் வகையில் அமைந்துள்ளது.
விபத்து அல்ல, திட்டமிட்ட கொலை?.. 3 ஆண்டுகளுக்குப் பிறகு வெளியான உண்மை..!
முதல் பாகத்தில் வர்மனின் மறைவுக்குப் பிறகு, அவனுக்கு மேலிருக்கும் பெரிய நெட்வொர்க்கைத் தேடிச் சென்று அழிப்பதே ஜெயிலர் 2 படத்தின் கதைக்களம் என்பதை டிரெய்லர் பளிச்செனக் காட்டியுள்ளது. திலீப் கதாபாத்திரத்தில் மிரட்டும் சுராஜ் வெஞ்சரமூடுடன், போதி கல்பாக் என்ற ஸ்டைலிஷ் வில்லனாக களமிறங்கியுள்ள எஸ்.ஜே. சூர்யாவின் காட்சிகள் படத்தின் பலத்தை மேலும் கூட்டுவதாக உள்ளன.
குறிப்பாக, ரஜினிகாந்திடம் மோதும் வித்யா பாலனின் மாஸான தோற்றம் மற்றும் மோகன்லால், சிவராஜ்குமார் ஆகியோரின் கேமியோ காட்சிகள் ரசிகர்களுக்கு விருந்தாக அமையும். அனிருத்தின் தாளம்போட வைக்கும் பின்னணி இசையும், யோகி பாபுவின் ஒன்லைனர் காமெடிகளும் இணைந்து ‘ஜெயிலர் 2’ நிச்சயம் மெகா பிளாக் பஸ்டர் வெற்றியைப் பெறும் என்ற நம்பிக்கையை ஏற்படுத்தியுள்ளது.
