இந்தியத் திரையுலகின் தவிர்க்க முடியாத உச்ச நட்சத்திரங்களாகத் திகழும் சூர்யா மற்றும் ஃபகத் பாசில் ஆகிய இருவரின் சினிமா பயணம் பல ஒற்றுமைகளைக் கொண்டது. சினிமா பின்னணியுடன் களம் இறங்கினாலும், இருவருமே தங்களது ஆரம்ப காலத்தில் கடுமையான போராட்டங்களையும் தோல்விகளையும் சந்தித்துத்தான் இந்த இடத்திற்கு வந்துள்ளனர்.
ஆரம்பத்தில் பலரும் இவர்கள் மீது சந்தேகம் எழுப்பிய நிலையில், தங்களது அசாத்திய உழைப்பாலும் வித்தியாசமான கதைத் தேர்வுகளாலும் இன்று இந்தியாவின் தலைசிறந்த நடிகர்களாகத் நிரூபித்துள்ளனர்.
தமிழ் சினிமாவில் சில வருடத் தேக்க நிலைக்குப் பிறகு சூர்யாவுக்கு இந்த ஆண்டு திருப்புமுனையாக அமைந்துள்ளது. ஆர்.ஜே.பாலாஜி இயக்கத்தில் அவர் நடித்த ‘கருப்பு’ மற்றும் வெங்கி அட்லூரி இயக்கத்தில் வெளியான ‘விஸ்வநாத் அண்ட் சன்ஸ்’ ஆகிய படங்கள் பாக்ஸ் ஆபிஸில் ரூ.200 கோடி வரை வசூலித்து மெகா ஹிட்டாகியுள்ளன.
மறுபுறம், மலையாளத் திரையுலகில் தனித்துவமான கதைகளாலும் மிரட்டலான நடிப்பாலும் கலக்கி வரும் ஃபகத் பாசில், தயாரிப்பிலும் முத்திரை பதித்து வருகிறார். அவரது தயாரிப்பில் வெளியான ‘பெத்லேகம் குடும்ப யூனிட்’ பெரிய வெற்றியைப் பெற்றது.
விடைகொடுத்த நடிகை விஜயலட்சுமி.. இனி எந்த சமூக வலைதளப் பக்கங்களிலும் வீடியோக்கள் இல்லை..!
இந்நிலையில், ஃபகத் பாசில் நடிப்பில் உருவாகியுள்ள ‘Don’t Trouble The Trouble’ படத்தின் ப்ரீ-ரிலீஸ் விழா கோலாகலமாக நடைபெற்றது. இதில் சிறப்பு விருந்தினராகக் கலந்துகொண்ட நடிகர் சூர்யா பேசுகையில், “நானும் ஃபகத்தும் பல விஷயங்களைப் பற்றி நீண்ட நேரம் பேசுவோம். எங்களின் ஆரம்ப காலப் பயணம் ஒரே மாதிரியான சவால்களைக் கொண்டதுதான்.
இமேஜ் பற்றி யோசிக்காமல் ஃபகத் கதையின் மையத்தை மட்டுமே பார்க்கிறார். உங்களைப்போல் என்னால் இருக்க முடியவில்லை, நீங்கள் நீங்களாக இருப்பதற்கு நன்றி ஃபகத்” என நெகிழ்ச்சியுடன் குறிப்பிட்டார். சூர்யாவின் இந்தப் பேச்சு தற்போது இணையத்தில் வைரலாகி வருவதுடன், ஜித்து மாதவன் இயக்கத்தில் சூர்யாவும் ஃபகத்தும் இணைந்து நடிக்க வேண்டும் என்ற எதிர்பார்ப்பும் ரசிகர்களிடையே அதிகரித்துள்ளது.
