தமிழ் சினிமாவின் உச்ச நட்சத்திரமாகவும், தற்போது தமிழ்நாட்டின் முதலமைச்சராகவும் வலம்வரும் விஜய் மற்றும் அவரது மனைவி சங்கீதா குறித்த தனிப்பட்ட விவகாரங்கள் அவ்வப்போது இணையத்தில் பேசுபொருளாகி வருகின்றன. நீண்ட காலமாக இருவருக்குள்ளும் நிலவி வரும் கருத்து வேறுபாடுகள் காரணமாக, சங்கீதா விவாகரத்து கோரி நீதிமன்றத்தில் மனுத்தாக்கல் செய்திருந்தது திரையுலகில் பெரும் அதிர்ச்சியை ஏற்படுத்தியது. இந்நிலையில், சில மாதங்களுக்கு முன்பு அந்த வழக்கைத் திடீரென அவர் வாபஸ் பெற்றது பலரின் கவனத்தை ஈர்த்தது.
அக்கான்னு கூட பார்க்கல.. ராதா மீதான குற்றச்சாட்டை மறுத்த அம்பிகா..!
இது குறித்துப் பிரபல பத்திரிகையாளர் பிஸ்மி அளித்துள்ள பேட்டி ஒன்று தற்போது சமூக வலைதளங்களில் தீயாகப் பரவி வருகிறது. அதில், நீதிமன்றத்திற்கு வெளியே சமரசம் பேசிக் கொள்ளலாம் என்ற முடிவிற்காகவோ அல்லது விஜய் தற்போது மாநிலத்தின் முதலமைச்சராகப் பதவியில் இருப்பதால் அவரது அரசியல் பெயருக்கு எந்தவிதக் களங்கமும் ஏற்பட்டுவிடக் கூடாது என்ற பரந்த எண்ணத்திலோ சங்கீதா வழக்கை வாபஸ் பெற்றிருக்கக் கூடும் என்று பிஸ்மி தெரிவித்துள்ளார். சமீபத்தில் லண்டன் பயணம் மேற்கொண்டபோது இருவரும் சந்திப்பார்கள் என்று எதிர்பார்க்கப்பட்ட நிலையில், அப்படி எந்த சந்திப்பும் நிகழவில்லை என்பதையும் அவர் சுட்டிக்காட்டியுள்ளார்.
மேலும், ஜேசன் சஞ்சய் இயக்கத்தில் உருவாகியுள்ள ‘சிக்மா’ படத்தின் பிரீ-ரிலீஸ் நிகழ்விற்கு விஜய் மற்றும் சங்கீதா இருவரும் வராதது குறித்துப் பேசிய பிஸ்மி, ஊடகங்களைச் சந்தித்தால் எழும் சங்கடங்களைத் தவிர்ப்பதற்காகவே அவர்கள் விலகியிருந்ததாகக் கூறினார். குடும்ப விவகாரங்களை வைத்துக் கொண்டு விஜய்யைச் ‘சாடிஸ்ட்’ என்று விமர்சிப்பது முறையல்ல என்றும், மகன் ஜேசன் சஞ்சய்யின் எதிர்காலம் மற்றும் சினிமா பயணம் குறித்தும் அவர் தன் கருத்தைப் பகிர்ந்துள்ளார்.
