ஆனைமலை புலிகள் காப்பகம் கோவை வனக்கோட்டம், சிறுமுகை வனச்சரகம், பெத்திக்குட்டை பிரிவு, நீலகிரி கிழக்குச் சரிவு காப்பு காடு, உளியூர் காவல் சுற்று வனப்பகுதியில் பெண் யானை ஒன்றின் இடது முன்னங்காலில் சிக்கிய இரும்பு கம்பியினை கண்டறியப்பட்டு மாவட்ட வன அலுவலர், கோவை வனக் கோட்டம், கோவை அவர்களுக்கு தகவல் தெரிவிக்கப்பட்டது.
இதை அடுத்து, தலைமை வன பாதுகாவலர் ஆனைமலை புலிகள் காப்பகம் ,கோவை அவர்கள் மூலம் முதன்மை தலைமை வன உயிரின காப்பாளர் சென்னை அவர்களின் உத்தரவின்படி மாவட்ட வன அலுவலர் கோவை வனக்கோட்டம் கோவை அவர்கள் தலைமையில், சிறுமுகை வனச்சரக அலுவலர் மற்றும் பெரியநாயக்கன்பாளையம் வனச்சரக அலுவலர் முன்னிலையில், ஆனைமலை புலிகள் காப்பகம் மற்றும் சத்தியமங்கலம் புலிகள் காப்பகத்தைச் சேர்ந்த ஐந்து வன கால்நடை மருத்துவர்கள் குழுவின் மூலம் 60 வனப்பணியாளர்கள், யானை பாகன்கள் மற்றும் நவீன ட்ரோன் கேமரா கொண்ட குழுவின் மூலம் தொடர்ந்து கண்காணிப்பு பணி மேற்கொண்டு நேற்று பெண் யானையை வனப்பகுதியிலேயே மயக்க மருந்து கொடுத்து சிகிச்சை அளிக்கப்பட்டு நல்ல முறையில் வனப்பகுதியில் விடப்பட்டது.
