வறண்ட நிலங்களில் வளரும் சப்பாத்தி கள்ளிச் செடியில் விளையும் இந்தப் பழம், சுவை மட்டுமல்லாமல் பல்வேறு மருத்துவக் குணங்களும் ஊட்டச்சத்துக்களும் நிறைந்த ஒரு இயற்கை வரமாகும். நார்ச்சத்து, ஆன்டிஆக்ஸிடன்ட்டுகள் மற்றும் வைட்டமின்களால் நிரம்பியுள்ள இந்தப் பழம் உடலில் உள்ள நச்சுக்களை வெளியேற்றவும், நோய் எதிர்ப்புச் சக்தியை அதிகரிக்கவும் உதவுகிறது.
உடலுக்குக் குளிர்ச்சியளிக்கும் தன்மை கொண்ட சப்பாத்தி கள்ளிப் பழம், செரிமான மண்டலத்தைச் சீராக வைத்திருக்கவும், ரத்தத்தில் சர்க்கரை அளவைக் கட்டுப்படுத்தவும் பெரிதும் உதவுகிறது. இதில் வைட்டமின் சி, கால்சியம், பொட்டாசியம், மெக்னீசியம் மற்றும் இரும்புச்சத்து ஆகியவை நிறைந்துள்ளன.
தூக்கம் வரவில்லையா?.. உங்களின் தூக்கக் சுழற்சியைப் பாதிக்கும் ஆபத்துகள்..!
குறிப்பாக, பொட்டாசியம் அதிகமாக இருப்பதால் இரத்த அழுத்தத்தைக் கட்டுப்படுத்த உதவுகிறது. இதில் உள்ள ‘பெட்டாலைன்கள்’ (Betalains) மற்றும் ஆன்டிஆக்ஸிடன்ட்டுகள் செல்களைப் பாதுகாத்து, நோய் எதிர்ப்புச் சக்தியை அதிகரிக்க உதவுகின்றன. இதில் உள்ள அதிகப்படியான நார்ச்சத்து குடல் ஆரோக்கியத்தைப் பேணவும், மலச்சிக்கலைத் தவிர்க்கவும் உதவுகிறது.
மருத்துவ மற்றும் ஆரோக்கிய நன்மைகள்
மேலும், குறைந்த கலோரிகளைக் கொண்டுள்ளதால் உடல் எடையைக் குறைக்க நினைப்பவர்களுக்குச் சிறந்த தேர்வாக இருக்கும். உடலில் உள்ள நச்சுக்களை வெளியேற்றி, கெட்ட கொழுப்பைக் (LDL Cholesterol) குறைக்க உதவுவதால் இதயம் பாதுகாக்கப் படுகிறது. பாரம்பரிய மருத்துவத்தில், இது பெண்களின் மாதவிடாய் கால வயிற்று வலியைப் போக்கவும், கருப்பை ஆரோக்கியத்திற்கும் பெரிதும் உதவக்கூடியதாகக் கூறப்படுகிறது. வறண்ட நிலங்களில் வளரும் இந்தப் பழம் இயற்கையாகவே உடலுக்குக் குளிர்ச்சியையும் புத்துணர்ச்சியையும் தரக்கூடியது.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
