திருப்பதி ஏழுமலையான் கோயிலில் மூத்த குடிமக்களுக்காக (65 வயதிற்கு மேற்பட்டவர்கள்) 30 நிமிடங்களில் தரிசனம் செய்யும் வகையில் சிறப்புத் தரிசனத் திட்டத்தை ஆந்திர அரசு அறிமுகப்படுத்தியுள்ளது.
30 நிமிட தரிசனத் திட்டம் – முக்கிய அம்சங்கள்
65 வயதிற்கு மேற்பட்ட மூத்த குடிமக்களுக்காக இந்தத் திட்டம் பிரத்யேகமாக உருவாக்கப்பட்டுள்ளது. தினசரி மதியம் 10:00 மணி முதல் மாலை 3:00 மணி வரை இதற்காக நேரம் ஒதுக்கப்பட்டுள்ளது.
தரிசனத்திற்கு வருபவர்கள் அரசு வழங்கிய செல்லுபடியாகும் புகைப்பட அடையாள அட்டை (ஆதார் அட்டை, பாஸ்போர்ட் போன்றவை) வைத்திருக்க வேண்டும். மூத்த குடிமக்கள் தம்பதியினராக வரும்பட்சத்தில், துணைவியின் வயது வரம்பு தளர்வு அளிக்கப்படுகிறது. அல்லது அவர்களுடன் 50 வயதிற்கு மேற்பட்ட மற்றொரு நபர் துணையாக வர அனுமதிக்கப்படுகிறது.
மின் திருட்டு செய்தவர்களுக்கு ரூ.98 லட்சம் அபராதம்.. TNEB அதிரடி நடவடிக்கை..!
இத்திட்டத்தின் கீழ் வரும் மூத்த குடிமக்கள் ‘சுபாதம்’ (Supadam) நுழைவு வாயில் வழியாக அழைத்துச் செல்லப்படுவார்கள். இதற்காக அவர்கள் மதியத்திற்கு முன்னரே கவுண்டருக்குச் சென்று தங்களைப் பதிவு செய்துகொள்வது சிறந்தது. திருப்பதி தேவஸ்தானம் (TTD) மூத்த குடிமக்களுக்காகவே பிரத்யேகமாக ‘சீனியர் சிட்டிசன் தரிசனம்’ என்ற திட்டத்தை வழங்குகிறது. இதன் மூலம் நீண்ட வரிசையில் காத்திருப்பதைத் தவிர்த்து, விரைவாகத் தரிசனம் செய்ய முடியும்.
டிக்கெட்டுகள் மிக விரைவாக விற்றுத் தீர்ந்துவிடும் என்பதால், திட்டமிட்ட தேதியில் தரிசனம் செய்ய ஆன்லைன் மூலமாகவோ அல்லது முன்கூட்டியே தகுந்த ஆதாரங்களுடன் உரிய கவுண்டர்களை அணுகி டிக்கெட் பெறுவது அவசியம். தரிசனத்திற்கான டிக்கெட் முன்பதிவு மற்றும் கால அட்டவணை நிலவரங்களை அவ்வப்போது TTD அதிகாரப்பூர்வ இணையதளத்தில் சரிபார்ப்பது சிறந்தது.
