தமிழக முதலமைச்சர் விஜய்யின் பிறந்தநாளுக்கு வாழ்த்து தெரிவித்து நடிகர் ஜெய் எக்ஸ் பக்கத்தில் வெளியிட்ட பதிவு, சமூக வலைத்தளங்களில் பெரும் விவாதத்தையும் அரசியல் வட்டாரத்தில் பரபரப்பையும் ஏற்படுத்தியுள்ளது.
‘பகவதி’ படத்தில் விஜய்யின் தம்பியாக அறிமுகமாகி, நிஜத்திலும் அவரைத் தனது அண்ணனாகக் கருதும் நடிகர் ஜெய், தவெக (TVK) கட்சியின் தீவிர ஆதரவாளராக இருந்து வருகிறார். இந்நிலையில், விஜய்யின் 52-வது பிறந்தநாளுக்கு அவர் வாழ்த்து தெரிவித்துப் பதிவிட்டிருந்தார்.
“60 வருஷமா பேசிப் பேசியே நாட்டை கெடுத்தாங்க” – எஸ்.ஏ.சி காட்டம்..!
அதில், “இனி வரும் எதிர்காலத்தில் தமிழ்நாட்டில் தவெக (TVK) கட்சி மட்டும்தான் இருக்கும். மக்கள் விரும்பும் ஒரே தலைவர் நீங்கள்தான் அண்ணா,” என்ற தொனியில் அவர் குறிப்பிட்டிருந்த வாசகங்கள் இணையத்தில் தீயாய் பரவி வருகின்றன. விஜய்யின் அரசியல் வருகையையும், தற்போதைய ஆட்சி பலத்தையும் குறிவைத்து ஜெய் இப்படி ஓப்பனாகப் பேசியிருப்பது மற்ற அரசியல் கட்சியினர் மத்தியிலும், நெட்டிசன்கள் மத்தியிலும் தற்பொழுது பெரும் டாக் ஆஃப் தி டவுனாக மாறியுள்ளது.
