நடிகர் ராகவா லாரன்ஸின் திடீர் அரசியல் வருகை அறிவிப்பை, சினிமா விமர்சகர் பிரசாந்த் ரங்கசாமி தனது பாணியில் வீடியோ வெளியிட்டு நக்கல் செய்துள்ளார். நடிகர் ராகவா லாரன்ஸ் தனது எக்ஸ் (X) பக்கத்தில், “நடிகர் விஜய் கட்சி ஆரம்பித்து முதல்வர் ஆன பிறகு, என் அம்மாவும் நான் அரசியலுக்கு வர பச்சைக்கொடி காட்டிவிட்டார். மக்கள் ‘வாடா தம்பி’ என்று கூப்பிட்டால் அரசியலுக்கு வரத் தயார்” என உருக்கமாக வீடியோ வெளியிட்டார்.
தனியாக இருந்த பெண்ணிடம் அத்துமீறல்.. வெளுத்து வாங்கிய வானதி சீனிவாசன்..!
இதற்குப் போட்டியாக வீடியோ வெளியிட்ட சினிமா விமர்சகர் பிரசாந்த் ரங்கசாமி, லாரன்ஸின் உடல்மொழியை அப்படியே அச்சு அசலாகக் கிண்டல் செய்துள்ளார். அந்த வீடியோவில், “நான் ‘பாண்டா ஜனதா பார்ட்டி’ என்று புதுக்கட்சி ஆரம்பித்து இந்தியாவின் பிரதமர் ஆகலாம் என இருக்கிறேன். மக்கள் ஒரு பத்து பேர் சேர்ந்து ‘நீங்க பிரதமராகுங்க பிரசாந்த்’ என்று சொன்னால், நாளைக்கே நான் ரெடி” என்று நக்கலாகப் பேசியுள்ளார்.
லாரன்ஸின் நெகிழ்ச்சியான அரசியல் அறிவிப்புக்கு மத்தியில், பிரசாந்த் ரங்கசாமியின் இந்த ‘பாண்டா ஜனதா பார்ட்டி’ கலாய் வீடியோ நெட்டிசன்களிடையே காட்டுத்தீயாய் பரவி, இணையத்தில் பெரும் விவாதப் பொருளாக மாறியுள்ளது.
நான் பிரதமர் ஆகலாமா , வேணாமா ? pic.twitter.com/KoSSdsNa6m
— Prashanth Rangaswamy (@itisprashanth) June 12, 2026
