சமீபத்தில் வைரலான ‘₹370 பிரியாணி’ சர்ச்சையைத் தொடர்ந்து, அதே ஸ்டாண்ட்-அப் காமெடி ஷோவில் பெண் மருத்துவர் ஒருவர் சடலங்கள் குறித்துப் பேசிய அவதூறான கருத்து இப்போ இணையத்தில் காட்டுத்தீயாய் பரவி பெரும் கொந்தளிப்பை ஏற்படுத்தியுள்ளது. மும்பையைச் சேர்ந்த மருத்துவ மாணவியும் இன்ஃப்ளூயன்சருமான சேஜல் பவார், பிரபல நகைச்சுவை நடிகர் பிரணித் மோரின் மேடை நிகழ்ச்சியில் கலந்துகொண்டார்.
அப்போது, மருத்துவப் படிப்பிற்காக தானமாக வழங்கப்படும் சடலங்களின் அந்தரங்க உறுப்புகளின் அளவை தானும் தனது தோழிகளும் ஒப்பிட்டுப் பார்த்து கேலி செய்வோம் என்று பொதுவெளியில் பேசி சிரித்துள்ளார். இந்த பழைய வீடியோ கிளிப் தற்போது சமூக வலைத்தளங்களில் வைரலானதைத் தொடர்ந்து, “மருத்துவப் படிப்பிற்காக உடலைத் தானம் செய்யும் கொடையாளர்களை இப்படி கொச்சைப்படுத்துவதா? இது மருத்துவ அறநெறிக்கு எதிரானது” என நெட்டிசன்களும், சக மருத்துவர்களும் தங்களது கடும் கண்டனங்களைத் தெரிவித்து வருகின்றனர்.
சினிமா விளம்பரத்துக்காக இப்படியா?.. கூல் சுரேஷ் செய்த புதிய ரகளை..!
விவகாரம் பெரிதானதை அடுத்து, சேஜல் பவார் தனது சமூக வலைத்தளப் பக்கத்தில் ஒரு வீடியோ மற்றும் அறிக்கை மூலம் பகிரங்க மன்னிப்புக் கேட்டுள்ளார். அதில், “நான் பேசியது முற்றிலும் தவறுதான். யாருடைய உணர்வுகளையும் புண்படுத்தும் நோக்கம் எனக்கு இல்லை.
அறியாமையால் செய்துவிட்டேன், என்னை மன்னித்துவிடுங்கள்” எனத் தெரிவித்துள்ளார். ஒருபுறம் மன்னிப்பு கேட்டாலும், எதிர்கால மருத்துவர்கள் இது போன்ற உணர்வுப்பூர்வமான விஷயங்களில் பொறுப்புடன் நடந்து கொள்ள வேண்டும் என சமூக ஆர்வலர்கள் வலியுறுத்துகின்றனர்.
Sejal pawar doctor by profession talking about how she and her friends make fun of dead bodies about their dick size and made several nasty comments about male reproductive organ pic.twitter.com/q7rfQoi6DJ
— Aarohi (@hamlakroo) June 10, 2026
