2026 ஆம் ஆண்டு தமிழ்நாடு சட்டமன்ற பொது தேர்தலில் நடிகர் சத்யராஜ் திமுகவுக்கு ஆதரவாக பிரச்சாரம் செய்து வருகிறார். இந்நிலையில், தமிழக வெற்றிக்கழகத்தின் தலைவர் விஜய் போட்டிக்கு ஈடுகிற பெரம்பலூர் சட்டமன்ற தொகுதியில், திமுக வேட்பாளர் ஆர்.டி சேகரை ஆதரித்து பிரச்சாரம் செய்தார் நடிகர் சத்யராஜ்.
அப்போது பேசுகையில், விஜயை மிகவும் கடுமையாக சத்யராஜ் விமர்சித்து பிரச்சாரம் செய்தார். விஜய் அரசியலுக்கு வந்து பெரியாரையும் அம்பேத்காரையும் கொள்கை தலைவர்கள் என்று கூறியதும் நான் மகிழ்ச்சி அடைந்தேன். விஜய் மூலம் பெரியாரும் அம்பேத்கரும் சமகால இளைஞர்கள் மத்தியில் பேசு பொருளாக மாற உள்ளார்கள் என்று மகிழ்ச்சியில் இருந்தேன்.
ஆனால், ஒரு முறை விஜய் மேடையில் பேசும் போது, தமிழ்நாடு முதலமைச்சர் மு க ஸ்டாலினை ஸ்டாலின் அங்கிள் என்று கூறியதும் எனக்கு பகீர் என்று ஆகிவிட்டது. மிகவும் பெருந்தன்மையாக நடந்து கொள்பவரை இப்படியா விமர்சிப்பது.
விஜய் தனது தலைவா படத்தின் ரிலீஸ் பிரச்சனையின் போது அப்போதைய முதலமைச்சர் ஜெயலலிதா முன் சென்று அம்மா அம்மா எங்கள் படத்தை ரிலீஸ் செய்ய உதவி செய்யுங்கள் அம்மா என்று கெஞ்சி கேட்டார். அதற்கு பதிலாக, ஜெயலலிதாவை ஜெயலலிதா அம்மா என்பதற்கு பதிலாக ஜெயலலிதா ஆன்ட்டி என்று அவர் சொல்லி இருந்தால் என்னவாகி இருக்கும்.
சங்கீதா சொன்ன ‘OK’.. விஜய் விவாகரத்து வழக்கில் திடீர் திருப்பம்..!
இன்றைக்கு கொத்து புரோட்டா போட்டு இருப்பார்கள் அல்லவா? இப்போது மேடையில் பாடுவது மாதிரி, நான் ரெடி தான் வரவா என்றெல்லாம் பாடியிருக்க முடியாது. அவருடைய படத்துல இடம்பெற்ற தொட்டபெட்டா ரோட்டு மேல முட்டை பரோட்டா பாடல் தான் சரியாக இருந்திருக்கும்.
யாராவது விஜயை ஏதாவது விமர்சித்தால் கூட அவர்களை சென்னை கெட்ட வார்த்தை, கோயம்புத்தூர் கெட்ட வார்த்தை, மதுரை கெட்ட வார்த்தை, வடநாட்டு கெட்ட வார்த்தை எல்லா மொழிகளிலும் இருக்கக்கூடிய கெட்ட வார்த்தைகளில் திட்டுகிறார்கள். நான் சமூக வலைதளங்களில் இல்லை. ஆனாலும், எனக்கு அதை பற்றி கவலை இல்லை. நான் பெரியாரைத் தலைவனாக ஏற்றுக் கொண்டவன் என்று பேசியுள்ளார் சத்தியராஜ். இந்த பேச்சு பலரது கவனத்தை ஈர்த்திருந்தது.
இப்படி இருக்கும் நிலையில், நடிகர் சத்யராஜின் மகன் சிபிராஜ் தனது சமூக வலைதள பக்கத்தில் விஜய் தனது படத்தின் இசை வெளியீட்டு விழாவில், பேசிய பஞ்ச் டயலாக்கை
“உசுப்பேத்துறவன்கிட்ட உம்முன்னும், கடுப்பேத்துறவன்கிட்ட கம்முன்னும் இருந்தால் வாழ்க்கை ஜம்முன்னு இருக்கும்”
என்ற, டயலாக்கை பகிர்ந்ததை பார்த்த ரசிகர்கள் மற்றும் நெட்டிசன்கள் இந்த எலக்சன்ல இவங்க குடும்பத்துக்குள்ளயே பஞ்சாயத்து ஆகிவிடும் போலயே என்று கமெண்ட்களில் கருத்துக்களை தெரிவித்து வருகின்றனர்.
— Sibi Sathyaraj (@Sibi_Sathyaraj) April 18, 2026
