லெஜெண்ட் சரவணா ஸ்டோர்ஸ் ஓனர் லெஜெண்ட் சரவணன் சினிமாவில் நடிக்க முடிவெடுத்து முதல் படத்தை அவரை வைத்து பிரபல விளம்பர படங்களை இயக்கிய ஜேடி – ஜெர்ரி இயக்கினார். பெரிய பட்ஜெட்டில் இந்த படம் எடுக்கப்பட்டு பாலிவுட் ஹீரோயின் நடித்தாலும், ரசிகர்களிடம் பெரிதாக இந்த படம் ரீச் ஆகவில்லை. அதனை தொடர்ந்து, அந்த படத்தை பலரும் ட்ரோல் செய்து ட்ரோல் மெட்டீரியல் ஆக்கினர்.
ஆனால், அதற்கெல்லாம் துவண்டு போகாமல் இதே சினிமாவில் சாதித்து காட்ட வேண்டும் என எதிர்நீச்சல், காக்கி சட்டை, கருடன் படங்களை இயக்கிய RS செந்தில்குமார் இயக்கத்தில் தற்போது, லீடர் படத்தில் நடித்துள்ளார். அந்த படத்தின் டீசர் சமீபத்தில் வெளியாகி ரசிகர்களை வியப்பில் ஆழ்த்தியுள்ளது. தனது மகளுடன் வாழ்வதற்காக எந்த எல்லைக்கு வேண்டுமானாலும் போவேன் என லெஜெண்ட் சரவணன் டீசரில் மிரட்டி உள்ளார்.
லெஜெண்ட் சரவணனின் லீடர் படம் வேற லெவலில் பந்தயம் அடிக்கும் என்கிற நம்பிக்கையை விதைத்திருக்கிறது. லெஜெண்ட் சரவணனின் உழைப்பு இப்படத்தில் தெளிவாக தெரிகிறது. மேலும், இந்த லீடர் திரைப்படத்தில் ஆண்ட்ரியா ஷாம் சந்தோஷ் பிரதாப் ஹாய் ராஜ் குட் என ஏகப்பட்ட நட்சத்திர பட்டாளங்களை இணைந்துள்ளனர்.
வருத்தம் தெரிவிப்பதெல்லாம் எடுபடாது.. பார்த்திபனை வறுத்தெடுத்த ப்ளூ சட்டை மாறன்..!
ஏப்ரல் மாதம் 3ம் தேதி படம் வெளியாகும் என லேட்டஸ்ட் தகவல்கள் கசிந்துள்ளன. இந்நிலையில், சமீபத்தில் நடைபெற்ற இப்படத்தின் இசை மற்றும் ஆக்ஷன் டிரெய்லர் வெளியீட்டு விழாவில் கதாநாயகன் லெஜன்ட் சரவணன் பேசும்போது பல சுவாரசியமான தகவல்களை பகிர்ந்து கொண்டார்.
அதில், படத்தின் இறுதி எடிட்டிங் முடிந்ததும் படத்தை பார்த்தவர் இசையமைப்பாளர் ஜிப்ரான் அவர் படம் பார்த்துவிட்டு சுமார் 30 நிமிடங்கள் துரை செந்தில்குமாருக்கு போன் செய்து பாராட்டினாராம். மேலும், படத்தை பார்த்த இயக்குனர் வெற்றிமாறன் சாரும், தனுஷரும் படம் பிரமாதமாக இருக்கிறது என்றும் பிரம்மாண்டமாக இருக்கிறது என்றும் பாராட்டியதாக தெரிவித்தார்.
அவர்கள் இருவரும் படத்தை பாராட்டிய பின்னர் ஏற்கனவே எங்களுக்கு இருந்த நம்பிக்கை எனக்கும் எனது படக்குழுவிற்கும் அதிகமாகிவிட்டது. ஜெய்லர், விக்ரம், மற்றும் லியோ மாதிரியான மிகப்பெரிய வெற்றி படமாக இது அமையும் என்ற நம்பிக்கையும் எங்களுக்கு ஏற்பட்டது. மேலும், அதற்கான தகுதிகள் அனைத்தும் இந்த படத்திற்கு உள்ளது. படத்தை குடும்பத்துடன் வந்து பாருங்கள் படம் உங்களுக்கு 100% பிடிக்கும் என அவர் அதில் தெரிவித்தார்.
