மும்பையில் பிறந்து, சிறு வயதிலேயே பாலிவுட் திரையுலகில் குழந்தை நட்சத்திரமாக அறிமுகமாகி கவனம் பெற்றவர் ஹன்சிகா மோத்வானி. பின்னர் தமிழில் அறிமுகமான அவர், தனுஷ் நடித்த மாப்பிள்ளை, ரவி மோகன் நடித்த எங்கேயும் காதல், மற்றும் விஜய் நடித்த வேலாயுதம் போன்ற படங்கள் மூலம் குறுகிய காலத்திலேயே ரசிகர்களிடையே பிரபலமானார்.
ஒரே ஆண்டில் இந்த முக்கியமான படங்கள் வெளியாகி, ஹன்சிகாவுக்கு கோலிவுட்டில் வலுவான நிலையை உருவாக்கின. அதன் பின்னர் சிம்பு, சூர்யா, விஷால், ஆர்யா உள்ளிட்ட முன்னணி நடிகர்களுடன் இணைந்து நடித்ததன் மூலம், அவர் முன்னணி நடிகைகளில் ஒருவராக உயர்ந்தார்.
தனிப்பட்ட வாழ்க்கையில், 2022ஆம் ஆண்டு தொழிலதிபர் சோஹைலை திருமணம் செய்து கொண்ட ஹன்சிகா, திருமணத்திற்கு பின் சில காலம் குடும்ப வாழ்க்கையில் கவனம் செலுத்தினார். ஆனால், திருமணமாகி நான்கு ஆண்டுகள் ஆன நிலையில், இருவருக்கும் இடையில் கருத்து வேறுபாடுகள் உருவாகி, கடந்த ஆண்டு முதல் பிரிந்து வாழ்ந்து வந்தனர். இதன் தொடர்ச்சியாக, 2026 மார்ச் 11ஆம் தேதி நீதிமன்றம் இருவருக்கும் சட்டபூர்வமாக விவாகரத்தை வழங்கியது.
விவாகரத்திற்குப் பின்னர், ஆன்மீக அமைதியை நாடிய ஹன்சிகா, பஞ்சாப்பில் அமைந்துள்ள கோல்டன் டெம்பிள் எனப்படும் பொற்கோயிலுக்கு சென்றது குறிப்பிடத்தக்கது. அதன் பின்னர், தனது வழக்கமான வாழ்க்கைக்கு திரும்பும் வகையில் பல நிகழ்ச்சிகளில் கலந்துகொண்டு வருகிறார்.
அந்த வகையில், சமீபத்தில் அமேசன் பிரைம் வீடியோ நிகழ்ச்சியில் முதன்முறையாக கலந்து கொண்டார். இந்த நிகழ்ச்சியில் அவர் மிகவும் கிளாமரான உடையில், நம்பிக்கையுடன் புன்னகையுடன் போஸ் கொடுத்த வீடியோக்கள் சமூக வலைதளங்களில் வேகமாக பரவி வருகின்றன.
இதனிடையே, சில நெட்டிசன்கள் அவரது ஆடைத் தேர்வை விமர்சித்து, விவாகரத்திற்குப் பிறகு அவர் அதிக கிளாமராக மாறியுள்ளதாக கருத்து தெரிவித்து வருகின்றனர். ஆனால், மறுபுறம் பலரும், “இது அவரது தனிப்பட்ட தேர்வு, தனது வாழ்க்கையை அவர் விரும்பும் விதத்தில் வாழும் உரிமை அவருக்கு உண்டு” என ஆதரவு தெரிவித்து வருவது குறிப்பிடத்தக்கது.
