இதயத்திற்கு ஆபத்து.. அச்சுறுத்தும் பழக்கங்கள்; நீங்களும் இதைச் செய்கிறீர்களா?..

காலை நேரத்துச் சில மோசமான பழக்கங்கள் நமது இதய ஆரோக்கியத்திற்குப் பெரும் ஆபத்தை விளைவிக்கக்கூடும். இதய நோய் அபாயத்தை அதிகரிக்கும் முக்கிய காலைப் பழக்கங்கள் மற்றும் அவற்றை எவ்வாறு தவிர்ப்பது என்பது குறித்த இந்த பதிவில் காண்போம்.

இதயத்திற்கு ஆபத்தை விளைவிக்கும் 5 காலைப் பழக்கங்கள்

திடீரென எழுந்து அவசரமாக வேலைகளைத் தொடங்குவது

அலாரம் அடித்தவுடன் படுக்கையில் இருந்து பதறி அடித்துக்கொண்டு எழுந்து, அவசரமாக வேலைகளில் இறங்குவது உடலில் ‘கார்டிசோல்’ (Cortisol) மற்றும் அட்ரினலின் ஹார்மோன்களின் அளவை திடீரென அதிகரிக்கும். இது இரத்த அழுத்தத்தை உயர்த்தி இதயத்தின் மீது கூடுதல் அழுத்தத்தை ஏற்படுத்தும்.

காலை உணவைத் தவிர்ப்பது

“காலை உணவை ராஜாவைப் போல உட்கொள்ள வேண்டும்” என்பார்கள். பலரும் அவசரம் காரணமாகக் காலை உணவைத் தவிர்த்துவிடுகிறார்கள். இது இரத்த சர்க்கரை அளவைக் குறைப்பதோடு, பகலில் அதிகப்படியான பசியை ஏற்படுத்தி, உடல் பருமன் மற்றும் உயர் இரத்த அழுத்தத்திற்கு வழிவகுக்கும். இது நாளடைவில் இதய நோய் அபாயத்தை அதிகரிக்கும்.

செரிமானம் சீராக வேண்டுமா?.. சளி முதல் மூட்டு வலி வரை இயற்கையின் வரப்பிரசாதம்..!

அதிக கொழுப்புள்ள உணவுகளை உட்கொள்வது

காலையில் எழுந்தவுடன் முறையான உடற்பயிற்சி அல்லது நடைபயிற்சி செய்யாமல், அதிக எண்ணெய் அல்லது சர்க்கரை நிறைந்த காலை உணவுகளைச் சாப்பிடுவது இதயத்திற்குச் செல்லும் இரத்த நாளங்களில் நச்சுக்களைத் தேங்கச் செய்யும்.

தண்ணீர் குடிக்காமல் இருப்பது

இரவு முழுவதும் தூங்கிவிட்டு எழுந்ததும் உடலில் நீர்ச்சத்து குறைந்திருக்கும் (Dehydration). எழுந்தவுடன் தண்ணீர் குடிக்காமல் நேரடியாகக் காபி அல்லது டீ அருந்தும்போது, இரத்தம் உறைவதற்கான வாய்ப்புகள் அதிகரித்து இதயத்தின் செயல்பாட்டைப் பாதிக்கும்.

புகைபிடித்தல் அல்லது காபி அருந்துவது

காலையில் எழுந்தவுடன் காபி அல்லது சிகரெட் பிடிக்கும் பழக்கம் பலருக்கு உண்டு. காலையில் காஃபின் (Caffeine) அல்லது புகையிலை நச்சுக்கள் நேரடியாக இரத்த நாளங்களைச் சுருக்கி, இதயத் துடிப்பை அதிகரித்து மாரடைப்பு அபாயத்தை உருவாக்கும்.

ஆரோக்கியமான காலைப் பழக்கங்கள்

காலையில் படுக்கையை விட்டு எழுந்ததும் நிதானமாகச் சில நிமிடங்கள் ஆழ்ந்து மூச்சுவிட்டு (Deep breathing) நாளைத் தொடங்கவும். எழுந்தவுடன் ஒரு கிளாஸ் வெதுவெதுப்பான தண்ணீர் குடிப்பது உடலின் நச்சுக்களை வெளியேற்ற உதவும். சத்தான, நார்ச்சத்து நிறைந்த காலை உணவைச் சாப்பிடத் தவறாதீர்கள்.

குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு  UTN NOW பொறுப்பாகாது.