ஜூலை 31-ஆம் தேதி கோலிவுட்டில் ஒரு பெரிய பாக்ஸ் ஆபிஸ் மோதல் உறுதியாகியுள்ளது. லோகேஷ் கனகராஜ் முதன்முறையாக நாயகனாக நடிக்கும் ‘DC’ திரைப்படமும், ஜேசன் சஞ்சய் இயக்கத்தில் உருவாகியுள்ள ‘சிக்மா’ (Sigma) திரைப்படமும் அன்றைய தினம் ஒரே நாளில் திரைக்கு வரவுள்ளன.
ஜேசன் சஞ்சய்யின் முதல் படைப்பான ‘சிக்மா’ ஏற்கனவே ஜூலை 31-ஆம் தேதி வெளியாகும் என அறிவிக்கப்பட்டிருந்த நிலையில், தற்போது அதே தேதியில் ‘DC’ படமும் வெளியாகும் என்று சன் பிக்சர்ஸ் நிறுவனம் அதிகாரப்பூர்வமாக அறிவித்துள்ளது.
முதலமைச்சரின் மகன் ஜேசன் சஞ்சய்யின் இயக்கத்திற்கும், மாபெரும் வெற்றி இயக்குநரான லோகேஷ் கனகராஜின் நடிப்பு அவதாரத்திற்கும் இடையே நடக்கும் இந்த மோதல், கோலிவுட்டில் பெரும் விவாதத்தை ஏற்படுத்தியுள்ளது.
ஜூனியர் தளபதியை கொண்டாட ரெடியா?.. ‘சிக்மா’ அப்டேட்.. ரிலீஸ் தேதி உறுதி..!
முதலமைச்சர் மகனின் முதல் படத்துடன் மோதும் வகையில் சன் பிக்சர்ஸ் வேண்டும் என்றே இந்தப் படத்தை ஜூலை 31-க்குத் திட்டமிட்டுள்ளதாக சமூக வலைதளங்களில் பலரும் கருத்து தெரிவித்து வருகின்றனர்.
‘சிக்மா’ ஒரு ஹீஸ்ட் (Heist) வகை அதிரடிப் படம், ‘DC’ லோகேஷின் பாணியிலான மிரட்டல் படம். எனவே, வசூல் போட்டியைத் தாண்டி, எந்தப் படத்திற்கு ரசிகர்களின் வரவேற்பு அதிகமாக இருக்கும் என்பதுதான் தற்போது அனைவரின் கேள்வியாக உள்ளது. ஒரே நாளில் இரு முக்கிய படங்கள் வெளியாவது, ரசிகர்களுக்கு ஒரு விருந்தாக அமைந்தாலும், பாக்ஸ் ஆபிஸில் இருவருக்கும் இடையே கடுமையான போட்டி நிலவும் என்று எதிர்பார்க்கப்படுகிறது.
