தமிழக வெற்றி கழகம் 108 இடங்களை தேர்தலில் வெற்றி கண்டது. சில கட்சிகளின் ஆதரவுடன் பெரும்பான்மையை நிரூபித்து தமிழக முதலமைச்சர் விஜய் ஒன்பதாம் தேதி பதவி ஏற்றுக்கொண்டார். அவருடன் ஆனந்த், ஆதவ் அர்ஜுனா, அருண்ராஜ், செங்கோட்டையன், வெங்கட்ராமன், நிர்மல் குமார், ராஜ்மோகன், பிரபு, கீர்த்தனா ஆகிய 9 அமைச்சர்களும் பதவி ஏற்று கொண்டனர்.
முதல் அமைச்சர் உள்ளிட்ட 10 அமைச்சர்களுக்கும் கடந்த 16ஆம் தேதி துறைகள் ஒதுக்கப்பட்டது. எனினும், மீதம் இருந்த வனத்துறை வேளாண்மை வருவாய் வீட்டு வசதி கூட்டுறவு சிறு குறு நடுத்தர தொழில் துறை உள்ளிட்ட பல்வேறு துறைகளுக்கு அமைச்சர்கள் நியமனம் செய்யப்படாமல் இருந்தது. இந்நிலையில், தமிழக வெற்றிக்கழக மற்றும் காங்கிரஸ் எம்எல்ஏக்களை மட்டுமே கொண்டு தமிழக அமைச்சரவை இன்று விரிவுபடுத்தப்பட்டுள்ளது.
தன் கையால் தானே வண்டி ஓட்டிய முதல்வர்.. ப்ளூ சட்டை மாறனின் நக்கல் பதிவு..!
தமிழக அமைச்சரவை புதிதாக 23 பேர் இணையுள்ளதாகவும்,கவர்னர் மாளிகை அதிகாரபூர்வமாக அறிவித்துள்ளது. புதிதாக அமைச்சர்கள் பதவியேற்கும் இந்த விழாவில் தமிழக வெற்றிக்கழகத்திற்கு ஆதரவு தெரிவித்த தலைவர்களான திருமாவளவன், சண்முகம் மற்றும் வீரபாண்டியன் ஆகியோரும் வருகை தந்துள்ளனர். முதலமைச்சர் விஜய் தலைமையிலான அமைச்சரவையில் பட்டியலினத்தை சேர்ந்த ஏழு பேர் தற்போது பதவி ஏற்று கொண்டனர்.
புதிதாக பதவியேற்றுள்ள அமைச்சர்களின் விவரங்கள்
- ஸ்ரீநாத் (தூத்துக்குடி தொகுதி)
- கமலி.எஸ். (அவினாசி)
- சி.விஜயலட்சுமி (குமாரபாளையம்)
- ஆர்.வி.ரஞ்சித்குமார் (காஞ்சீபுரம்)
- வினோத் (கும்பகோணம்)
- ராஜீவ் (திருவாடானை)
- பி.ராஜ்குமார் (கடலூர்)
- வி.காந்திராஜ் (அரக்கோணம்)
- பி.மதன் ராஜா (ஒட்டப்பிடாரம்)
- கே.ஜெகதீஸ்வரி (ராஜபாளையம்)
- எஸ்.ராஜேஷ்குமார் (காங்கிரஸ், கிள்ளியூர்)
- எம்.விஜய் பாலாஜி (ஈரோடு)
- டி.லோகேஷ் தமிழ்செல்வன் (ராசிபுரம்)
- ஏ.விஜய் தமிழன் பார்த்திபன் (சேலம் தெற்கு)
- ரமேஷ் (ஸ்ரீரங்கம்)
- பி.விஸ்வநாதன் (காங்கிரஸ், மேலூர்)
- ஆர்.குமார் (வேளச்சேரி)
- கே.தென்னரசு (ஸ்ரீபெரும்புதூர்)
- வி.சம்பத்குமார் (கோவை வடக்கு)
- ஜெ.முகமது பர்வாஸ் (அறந்தாங்கி)
- டி.சரத்குமார் (தாம்பரம்)
- என்.மரிய வில்சன் (ஆர்.கே.நகர்)
- கே.விக்னேஷ் (கிணற்றுக்கடவு)
