எண்ணெய் பசை சருமத்திற்கு குட்பை.. கொய்யா இலையுடன் இதைக் கலந்து தடவுங்க..!

பொதுவாக, கொய்யா இலையில் இருக்கும் ஆன்டி-ஆக்ஸிடன்ட்டுகள் மற்றும் பாக்டீரியா எதிர்ப்பு பண்புகள் முகப்பரு, கரும்புள்ளிகள் மற்றும் வயதான தோற்றத்தைத் தடுத்து முகத்தைப் பொலிவாக்க உதவுகின்றன. உங்கள் சருமத்தின் தன்மைக்கு ஏற்ப, கொய்யா இலையை வைத்து வீட்டிலேயே எளிதாகச் செய்யக்கூடிய சில ஃபேஸ்.

முகப்பரு மற்றும் கரும்புள்ளிகள்

கொய்யா இலையில் உள்ள அலர்ஜி எதிர்ப்பு பண்புகள் பருக்களைக் கட்டுப்படுத்த உதவும். கொய்யா இலை விழுது – 2 ஸ்பூன், கற்றாழை ஜெல் – 1 ஸ்பூன், எடுத்துக்கொண்டு, கொய்யா இலைகளை நன்றாகக் கழுவி, சிறிது தண்ணீர் தெளித்து மிக்ஸியில் அரைத்து அதனுடன் கற்றாழை ஜெல் சேர்த்து கலந்து முகம் மற்றும் கழுத்துப் பகுதியில் தடவி 15-20 நிமிடங்கள் கழித்து குளிர்ந்த நீரால் முகத்தைக் கழுவ வேண்டும். இதனால், பருக்கள் மற்றும் அதனால் ஏற்படும் வடுக்கள் மறையும்.

பியூட்டி பார்லர் போகவே வேண்டாம்.. உடனடி பொலிவு தரும் ஃபேஸ் பேக்..!

எண்ணெய் சருமத்திற்கு

கொய்யா இலை பேக் முகத்தில் உள்ள அதிகப்படியான எண்ணெய் பசையை உறிஞ்சி, சருமத் துவாரங்களைச் சுருக்க உதவும். கொய்யா இலை விழுது – 2 ஸ்பூன், எலுமிச்சை சாறு – 1/2 ஸ்பூன், தேன் – 1 ஸ்பூன், கொய்யா இலை விழுதுடன் எலுமிச்சை சாறு மற்றும் தேன் சேர்த்து நன்றாகக் கலக்கி, இதனை முகத்தில் தடவி 15 நிமிடங்கள் உலர விடவும். பின்னர் வெதுவெதுப்பான நீரால் முகத்தைக் கழுவ, முகம் பளபளப்பாகும், எண்ணெய் பசை கட்டுப்படும். குறிப்பு: உணர்திறன் வாய்ந்த சருமம்/Sensitive skin உள்ளவர்கள் எலுமிச்சை சாற்றைத் தவிர்க்கலாம்.

பொலிவிழந்த சருமத்திற்கு

வெயிலால் ஏற்படும் கருமையைப் போக்கி முகத்தை உடனடியாகப் பொலிவாக்க இது உதவும். கொய்யா இலை விழுது – 2 ஸ்பூன், கடலை மாவு – 1 ஸ்பூன், தயிர் அல்லது ரோஸ் வாட்டர் – 1 ஸ்பூன், இந்த பொருட்கள் அனைத்தையும் ஒரு கிண்ணத்தில் சேர்த்து கெட்டியான பேஸ்ட் போல கலக்கி இதனை முகம் முழுவதும் சீராகத் தடவி, 20 நிமிடங்கள் அப்படியே விட்டுவிடவும். பேக் காய்ந்ததும் லேசாக மசாஜ் செய்து தண்ணீரால் கழுவ இறந்த செல்கள் நீங்கி முகம் பிரகாசமாகும்.

சுருக்கங்கள் இல்லாத சருமத்திற்கு

கொய்யா இலையில் உள்ள வைட்டமின் C மற்றும் ஆன்டி-ஆக்ஸிடன்ட்டுகள் சருமத்தைச் சுருக்கங்களின்றி இறுக்கமாக வைத்திருக்க உதவும். கொய்யா இலை விழுது – 2 ஸ்பூன், பழுத்த பப்பாளி விழுது – 1 ஸ்பூன், இரண்டையும் நன்றாகக் கலந்து முகத்தில் கீழ்நோக்கித் தடவாமல், மேல்நோக்கி மசாஜ் செய்வது போல தடவவும். 20 நிமிடங்களுக்குப் பின் குளிர்ந்த நீரால் கழுவவும்.

குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு  UTN NOW பொறுப்பாகாது.