தமிழக சட்டசபை தேர்தலில் தமிழக வெற்றி கழகம் தனி பெரும்பான்மை கட்சியாக 108 இடங்களை வென்றது. பெரும்பான்மைக்கு 10 இடங்கள் தேவை என்பதால், காங்கிரஸ் கட்சியுடன் கூட்டணி அமைத்தது. அதேபோல விசிக, கம்யூனிஸ்ட் கட்சிகள், இந்திய யூனியன் முஸ்லிம் லீக், ஆகிய கட்சிகளின் ஆதரவுடன் தமிழக வெற்றிக்கழகம் ஆதரவு எண்ணிக்கை 120 ஆக உயர்ந்தது.
முன்னதாக, தமிழக வெற்றிக்கழக தலைவர் விஜய் நேற்று தமிழக பொறுப்பு ஆளுநரை சந்தித்து தமிழகத்தில் ஆட்சி அமைக்க உரிமை கோரி இருந்தார். அப்போது, பெரும்பான்மைக்கு தேவையான எம்எல்ஏக்கள் ஆதரவு கடிதத்தை வழங்கியிருந்தார். அதனை ஏற்றுக் கொண்ட ஆளுநர் விஜய் தலைமையிலான அரசு பதவி ஏற்க அழைப்பு விடுத்துள்ளார்.
தமிழ்நாட்டின் முதலமைச்சராக தமிழக வெற்றிக் கழக தலைவர் விஜய் இன்று பதவி ஏற்க உள்ள நிலையில், விழாவை நேரலையில், காண சென்னை மாநகராட்சி சிறப்பு ஏற்பாடுகளை செய்துள்ளது. அதன்படி, 20 இடங்களில் எழுந்து மின்னணு தொலைக்காட்சிகள் வாயிலாக நேரடி ஒளிபரப்பு செய்யப்படுகிறது.
அதன்படி, சென்னை நேரு உள்விளையாட்டு அரங்கில் இன்று காலை 10 மணிக்கு பதவி ஏற்பு விழா நடைபெற உள்ளது. அதில், தமிழக வெற்றிக்கழக தலைவர் விஜய் தமிழக முதலமைச்சராக பதவி ஏற்க உள்ளார். அவருக்கு ஆளுநர் பதவி பதவி பிரமாணம் ரகசிய காப்பு பிரமாணமும் செய்து வைக்கிறார். அவருடன் புஸ்ஸி ஆனந்த், செங்கோட்டையன், ஆதவ் அர்ஜுனா, நிர்மல் குமார், அருண்ராஜ், உள்ளிட்ட 10 பேர் அமைச்சர்களாக பதவியேற்க உள்ளனர்.
தமிழக முதலமைச்சராக பதவி ஏற்க உள்ள விஜய் நேரு உள் விளையாட்டு அரங்கத்திற்கு காலை 8.45 மணியளவில் வந்தார். அவரை உயர் அதிகாரிகள் பூங்கொத்துக் கொடுத்து வரவேற்றார். கருப்பு நிற பேண்ட், வெள்ளை நிற சட்டையுடன் பார்மல்சில் பக்காவாக அவர் வந்து இறங்கியது குறிப்பிடத்தக்கது.
#WATCH | TVK Chief C Joseph Vijay arrives at the Jawaharlal Nehru Stadium in Chennai, where he will take oath as the Chief Minister of Tamil Nadu shortly.
— ANI (@ANI) May 10, 2026
(Source: TN DIPR) pic.twitter.com/4UvuSfAGxj
