சென்னை ரசிகர்களுக்கு நேற்றிரவு ஒரு மறக்க முடியாத, ஆனால் சற்று கசப்பான இரவாக அமைந்தது. ஐபிஎல் 2026 தொடரின் விறுவிறுப்பான 7-வது லீக் ஆட்டத்தில், சென்னை சூப்பர் கிங்ஸ் (CSK) அணியை அதன் சொந்த மண்ணான சேப்பாக்கத்தில் 5 விக்கெட் வித்தியாசத்தில் வீழ்த்தி பஞ்சாப் கிங்ஸ் (PBKS) ஒரு அதிரடி வெற்றியைப் பதிவு செய்துள்ளது. 210 ரன்கள் என்ற கடினமான இலக்கை நோக்கி ஆடிய பஞ்சாப் அணி, 18.4 ஓவர்களிலேயே இலக்கை எட்டிப் பிடித்து ரசிகர்களை ஆச்சரியத்தில் ஆழ்த்தியது.
சிஎஸ்கே-வின் அதிரடி ஆட்டம்: 209 ரன்கள் குவிப்பு!
நேற்று இரவு 7:30 மணிக்குத் தொடங்கிய இந்தப் போட்டியில் டாஸ் வென்ற பஞ்சாப் அணி முதலில் பந்துவீச்சைத் தேர்வு செய்தது. “சென்னை பிட்ச்” என்றாலே ரன் மழைதான் என்பதற்கு ஏற்ப, சிஎஸ்கே தொடக்க வீரர் ஆயுஷ்மத்ரே, மைதானத்தின் நாலாபுறமும் சிக்ஸர்களைப் பறக்கவிட்டார். அவர் 43 பந்துகளில் 73 ரன்கள் (6 ஃபோர்கள், 5 சிக்ஸர்கள்) குவித்து ஒரு பலமான அடித்தளத்தை அமைத்துக் கொடுத்தார்.
சிஎஸ்கே முதல் வெற்றியை ருசிக்குமா? பஞ்சாபை எதிர்கொள்ள பக்கா பிளான்..!
ருதுராஜ் கெய்க்வாட் (28) ஓரளவுக்குக் கம்பெனி கொடுக்க, கடைசிக்கட்டத்தில் களம் புகுந்த சிவம்துபே தனது வழக்கமான பாணியில் 27 பந்துகளில் 45* ரன்கள் சேர்த்தார். இளம் வீரர் சர்பராஸ்கான் வெறும் 12 பந்துகளில் 32 ரன்கள் எடுத்து அணியின் ஸ்கோரை மின்னல் வேகத்தில் உயர்த்தினார். இறுதியில் சென்னை அணி 20 ஓவர் முடிவில் 209/5 என்ற இமாலய ஸ்கோரை எட்டியது. பஞ்சாப் தரப்பில் விஜய் குமார் வைஷாக் சிறப்பாகப் பந்துவீசி 2 விக்கெட்டுகளை வீழ்த்தினார்.
பஞ்சாப்கிங்ஸ்: கடினமான இலக்கை நோக்கி ஒரு ‘புயல்’ வேகம்!
சேப்பாக்கத்தில் 210 ரன்களை அடிப்பது என்பது சாதாரண விஷயம் அல்ல. ஆனால், அந்த கடினமானஇலக்கைநோக்கி களம் இறங்கிய பஞ்சாப் அணியின் தொடக்க வீரர் பிரியான்ஷ்ஆர்யா, யாரும் எதிர்பார்க்காத ஒரு ‘டோர்னடோ’ ஆட்டத்தை வெளிப்படுத்தினார். வெறும் 11 பந்துகளில்39 ரன்கள் (3 ஃபோர், 4 சிக்ஸர்) குவித்து சென்னை பந்துவீச்சாளர்களின் திட்டங்களையெல்லாம் தவிடுபொடியாக்கி விட்டார். அவரது ஸ்ட்ரைக் ரேட் 354.55 என்பது பார்ப்பவர்களையே மலைக்க வைத்தது!
துக்கம் தாளாமல் சென்னை அணி ஜெர்சிக்கு முத்தமிட்ட RR வீரர் ஜடேஜா.. வைரலாகும் வீடியோ!
பிரியான்ஷ் ஆர்யா அமைத்துக் கொடுத்த அந்த அசுர வேகத் தொடக்கத்தைப் பயன்படுத்திக் கொண்ட கேப்டன் ஷ்ரேயாஸ் ஐயர், மிக நிதானமாகவும் அதே சமயம் ஆக்ரோஷமாகவும் ஆடினார். அந்த கடினமான இலக்கை நோக்கி சீரான வேகத்தில் பயணித்த அவர், 29 பந்துகளில் 50 ரன்கள் குவித்து அணியின் வெற்றியை உறுதி செய்தார். பிரப்சிம்ரன் சிங் (43) மற்றும் கூப்பர் கோனோலி (36) ஆகியோரும் தங்களின் பங்களிப்பைச் சிறப்பாகச் செய்தனர். இறுதியில் 18.4 ஓவர்களிலேயே பஞ்சாப் அணி 210 ரன்கள் எடுத்து ஒரு வரலாற்று வெற்றியைப் பெற்றது.
நட்சத்திரங்களின் வருகை!
நேற்று சேப்பாக்கத்தில் நடைபெற்ற இந்தப் போட்டியை நேரில் காணப் பல திரை நட்சத்திரங்களும் வந்திருந்தனர். குறிப்பாக, நடிகர்தனுஷ் மற்றும் நடிகைஷாலினி ஆகியோர் மைதானத்தில் அமர்ந்து சென்னை அணியை உற்சாகப்படுத்திய புகைப்படங்கள் சமூக வலைதளங்களில் வைரலாகி வருகின்றன.
போட்டியின் முக்கிய ஹைலைட்ஸ் (Fact Check):
- ஆட்டநாயகன்: புயல் வேகத்தில் 11 பந்தில் 39 ரன் விளாசிய பிரியான்ஷ்ஆர்யா (PBKS) ஆட்டநாயகனாகத் தேர்வு செய்யப்பட்டார்.
- சேப்பாக்கம்சாபம்: தனது கோட்டையாகக் கருதப்படும் சேப்பாக்கம் மைதானத்தில் சென்னை அணிக்கு இது தொடர்ந்து 6-வதுதோல்வியாகும்.
- தொடரும்பரிதாபம்: சிஎஸ்கே அணிக்கு எதிராக இதுவரை 6 முறை 200 ரன்களுக்கு மேல் குவிக்கப்பட்டுள்ளது. இதில் 5 முறையும் சென்னை தோல்வியையே தழுவியுள்ளது.
- பஞ்சாப்சாதனை: ஐபிஎல் வரலாற்றில் 200+ ரன்களை 9-வது முறையாக வெற்றிகரமாக எட்டிப் பிடித்து பஞ்சாப் கிங்ஸ் புதிய உலக சாதனை படைத்துள்ளது. வேறு எந்த அணியும் இத்தனை முறை இவ்வளவு பெரிய இலக்கை சேஸிங் செய்ததில்லை.
இன்றைய போட்டி
இன்று ஐபிஎல் தொடரில் இரண்டு முக்கியப் போட்டிகள் நடைபெற உள்ளன:
- டெல்லி கே பிடல்ஸ் vs மும்பை இந்தியன்ஸ் (பகல் 3:30 மணி)
- குஜராத் டைட்டன்ஸ் vs ராஜஸ்தான் ராயல்ஸ் (இரவு 7:30 மணி)
