‘கற்றது தமிழ்’, ‘அங்காடி தெரு’, ‘எங்கேயும் எப்போதும்’ எனத் தன் மிரட்டலான நடிப்பால் தமிழ் ரசிகர்களின் நெஞ்சங்களில் நீங்கா இடம் பிடித்தவர் நடிகை அஞ்சலி. கதாபாத்திரத்திற்கு முக்கியத்துவம் உள்ள கதைகளைத் தேர்ந்தெடுத்து நடித்து வந்த இவரது திரைப்பயினத்தில், சில தனிப்பட்ட பிரச்சனைகள் மற்றும் காதலின் காரணமாகத் தற்காலிகத் தடை ஏற்பட்டது.
சிறிது காலம் சினிமா உலகிலிருந்து ஒதுங்கியிருந்த அவர், தற்போது தெலுங்கு மற்றும் தமிழில் மீண்டும் முழு வீச்சில் நடித்து வருகிறார். சமீபத்தில் விஷாலுடன் அவர் நடித்த ‘மகுடம்’ படம் எதிர்பார்த்த வெற்றியைத் தராவிட்டாலும், தற்போது அவர் மீதுள்ள எதிர்பார்ப்புகள் அனைத்தும் இயக்குநர் ராமின் ‘ஏழு கடல் ஏழு மலை’ படத்தின் மீது திரும்பியுள்ளன.
1 லட்சம் ரூபாய் கட்டணம்.. நடிகை கிரணின் விஐபி மெம்பர்ஷிப்..!
இயக்குநர் ராம் – அஞ்சலி கூட்டணி என்றாலே ‘கற்றது தமிழ்’ படத்தின் மேஜிக் நினைவுக்கு வரும் நிலையில், இப்படத்தில் நிவின் பாலிக்கு ஜோடியாகவும், சூரி முக்கியக் கதாபாத்திரத்திலும் நடித்துள்ளனர். அக்டோபர் 1-ம் தேதி படம் ரிலீஸாகவிருக்கும் சூழலில், நேற்று நடைபெற்ற படத்தின் ப்ரீ-ரிலீஸ் நிகழ்வில் பேசிய அஞ்சலி அனைவரையும் கவர்ந்தார்.
“கற்றது தமிழில் ‘பறவையே எங்கே இருக்கிறாய்’ பாடலின் போது ஏற்பட்ட அதே உணர்வு இந்தப் படத்திலும் வந்தது” என யுவன் ஷங்கரின் இசையைப் புகழ்ந்த அவர், சக நடிகர் சூரி மற்றும் படக் குழுவினரை வாழ்த்திப் பேசினார். அப்போது அவர் வெளிப்படுத்திய கலகலப்பான சுறுசுறுப்பும், அவரது பேச்சில் வெளிப்பட்ட நகைச்சுவையும் நிகழ்வை மிகவும் சுவாரசியமாக்கியது.
