பிரபல ஆடை வடிவமைப்பாளர் ஜாய் கிரிஸில்டா, விஜய் டிவியின் ‘பிக்பாஸ் தமிழ் சீசன் 10’ நிகழ்ச்சியில் கலந்துகொள்ளக் கிடைத்த வாய்ப்பைத் தாமாக முன்வந்து மறுத்துள்ளார். தனது குழந்தையைப் பிரிந்து பிக்பாஸ் வீட்டிற்குள் இருக்க முடியாது என்பதால், ஒரு தாயாக இந்த முடிவை எடுத்துள்ளதாக அவர் தெளிவுபடுத்தியுள்ளார்.
பிக்பாஸ் வாய்ப்பு குறித்து பரவிய வதந்திகளுக்கும் ஊடக விவாதங்களுக்கும் முற்றுப்புள்ளி வைக்கும் வகையில், ஜாய் கிரிஸில்டா தனது சமூக வலைதளப் பக்கம் வாயிலாகவே இந்த அறிவிப்பை வெளியிட்டுள்ளார். தமிழ் பார்வையாளர்களிடையே கடந்த சில மாதங்களாக அதிக அளவில் பேசப்பட்ட ஒரு முகமாக இவர் இருப்பதால், சீசன் 10-ன் டி.ஆர்.பி (TRP) ரேட்டிங்கை உயர்த்தும் நோக்கில் விஜய் டிவி தரப்பிலிருந்து இவருக்குப் பெரிய தொகைக் சம்பளம் பேசப்பட்டுத் தீவிரமாக முயற்சி மேற்கொள்ளப்பட்டுள்ளது.
யாருக்குமே பாதுகாப்பில்லை.. எந்த நடவடிக்கைகளுக்கும் திமுக பயப்படாது – அரசை விமர்சித்த கனிமொழி..!
அண்மையில் மாதம்பட்டி ரங்கராஜ் விவகாரம் மற்றும் அதனைத் தொடர்ந்து ஊடகங்களில் எழுந்த சர்ச்சைகளால் பொதுவெளியில் இவர் கவனம் பெற்ற நிலையில், பிக்பாஸ் வீடு போன்ற ஒரு கட்டுப்பாடான சூழலில் இவரின் பங்கு எப்படி இருக்கும் என்ற எதிர்பார்ப்பு ரசிகர்கள் மத்தியில் இருந்தது. ஆனால், அனைத்திற்கும் மேலாகத் தனது மகளின் வளர்ப்பிற்கே முன்னுரிமை அளிப்பதாகக் கூறி அவர் இந்த வாய்ப்பைத் தவிர்த்துள்ளது குறிப்பிடத்தக்கது.
