ஜாதகத்தில் உள்ள கிரகங்களின் அசுப பலன்களைக் குறைத்து நற்பலன்களைப் பெற, சரியான விரலில் ரத்தினங்களை அணிவது மிக முக்கியம். தவறான விரலில் அணிந்தால் அது எதிர்மறை விளைவுகளை ஏற்படுத்தக்கூடும்.
ஆள்காட்டி விரல் — புஷ்பராகம் (Yellow Sapphire)
கிரகம்: குரு பகவான்
குருவின் தீய விளைவுகளிலிருந்து நிவாரணம் பெற, இந்த மஞ்சள் நிற ரத்தினத்தைத் தங்க மோதிரத்தில் பதித்து ஆள்காட்டி விரலில் அணிய வேண்டும்.
நடுவிரல் — நீலமணி (Blue Sapphire) & ஓனிக்ஸ் (Onyx)
நீலமணி: சனி பகவானுக்கு உரியது. சனியின் அசுபப் பார்வையின் தாக்கத்தைக் குறைக்க, சனிக்கிழமை அன்று நடுவிரலில் அணிய வேண்டும்.
ஓனிக்ஸ்: ராகு-கேதுவின் அசுப பலன்களைத் தவிர்க்க, இந்த அடர் சாம்பல் நிறக் கல்லைச் சனிக்கிழமை நடுவிரலில் அணியலாம்.
மோதிர விரல் — மாணிக்கம் (Ruby) & பவளம் (Coral)
மாணிக்கம்: சூரியனின் ரத்தினம். இதைத் தங்க மோதிரத்தில் பதித்து, ஞாயிற்றுக்கிழமை சூரிய உதயத்திற்கு முன் அணிய வேண்டும்.
எருக்கிலை குளியலும்… கிடைக்கும் அபூர்வ பலன்களும்.. ஆன்மீக ரகசியம் இதோ..!
பவளம்: செவ்வாய் கிரகத்தின் ரத்தினம். இதனை வெள்ளி அல்லது செம்பு உலோகத்தில் பதித்து, மாலை நேரத்தில் அணிய வேண்டும்.
சுண்டு விரல் — மரகதம் (Emerald)
கிரகம்: புதன் கிரகம்
ஜாதகத்தில் புதனைப் பலப்படுத்த இந்த பச்சை நிறக் கல்லைச் சுண்டு விரலில் அணிய வேண்டும். இதனை புதன்கிழமை மதியம் 12 முதல் 1 மணி வரை (சுக்கிர ஹோரை) அல்லது 1 முதல் 2 மணிக்குள் (புதன் ஹோரை) அணிவது நல்ல பலனைத் தரும்.
ரத்தினக் கற்களைத் தேர்ந்தெடுத்து அணியும் முன்பு, உங்கள் தனிப்பட்ட ஜாதகத்தைக் காட்டி தகுந்த ஜோதிட நிபுணரிடம் ஆலோசனை பெறுவது அவசியமாகும்.
