‘விருமாண்டி’ திரைப்படப் புகழ் நடிகை அபிராமி, தனது இன்ஸ்டாகிராம் பக்கத்தில் பகிர்ந்துள்ள கடினமான ஜிம் வொர்க்அவுட் வீடியோ தற்போது இணையத்தில் ரசிகர்களிடையே பெரும் ஆச்சரியத்தையும் பாராட்டுகளையும் பெற்று வருகிறது.
40 வயதைக் கடந்த நிலையிலும், இளம் நடிகைகளுக்கு சவால் விடும் வகையில் கடினமான வெயிட் லிஃப்டிங் (Weight Lifting) மற்றும் உடற்பயிற்சிகளை அவர் மேற்கொண்டுள்ளார். “முறையான பயிற்சி மற்றும் விடாமுயற்சி இருந்தால் எதையும் சாதிக்கலாம்” என்ற உத்வேகமூட்டும் வரிகளுடன் இந்த வீடியோவைப் பகிர்ந்துள்ளார்.
மெர்சிடஸ் பென்ஸ் விழாவில் அதீத கவர்ச்சி.. கியாரா அத்வானியின் வைரல் லுக்..!
நீண்ட இடைவெளிக்குப் பிறகு, சமீபத்தில் வெளியான ‘மகாராஜா’ படத்தில் நடிகர் விஜய் சேதுபதிக்கு ஜோடியாக அபிராமி நடித்திருந்தார். அந்தப் படத்தில் அவரது எதார்த்தமான நடிப்பு ரசிகர்களிடம் மிகப்பெரிய வரவேற்பைப் பெற்றது.
தற்போது பல முன்னணி படங்களில் குணச்சித்திர வேடங்களில் நடித்து வரும் அபிராமி, தனது உடல் ஆரோக்கியத்தில் காட்டும் இந்த தீவிர அக்கறையைப் பார்த்து ரசிகர்கள் மற்றும் திரையுலகினர் பலரும் அவருக்கு வாழ்த்துகளையும் பாராட்டுகளையும் தெரிவித்து வருகின்றனர்.
