ரவிதேஜாவுடன் இணைந்து ‘இருமுடி’ படத்தில் நடித்த அனுபவம் மற்றும் தாய் கதாபாத்திரத்தில் நடிப்பது குறித்து நடிகை பிரியா பவானி ஷங்கர் அளித்துள்ள பேட்டி வைரலாகி வருகிறது. இயக்குநர் சிவா நிர்வாண இயக்கத்தில், ரவிதேஜா நடிப்பில் வெளியான ‘இருமுடி’ திரைப்படம் ரசிகர்கள் மத்தியில் மாபெரும் வரவேற்பைப் பெற்றுள்ளதுடன், பாக்ஸ் ஆபிஸில் ரூ.100 கோடிக்கும் மேல் வசூலைக் குவித்து வருகிறது.
இப்படத்தில் ரவிதேஜாவின் மனைவியாக ‘காவிரி’ என்ற கதாபாத்திரத்தில் பிரியா பவானி ஷங்கர் நடித்துள்ளார். இப்படத்தில் ஒரு குழந்தைக்குத் தாயாக நடிப்பது குறித்துப் பேசிய பிரியா பவானி ஷங்கர், “ஒரு குழந்தைக்கு அம்மாவாக நடிப்பதில் எனக்கு எந்தவிதமான தயக்கமும் இல்லை. எனக்கு 20 வயதில் திருமணம் ஆகியிருந்தால் குழந்தையே இருந்திருக்கும்; அதனால் அம்மாவாக நடிப்பதில் தயக்கம் இருக்கக் கூடாது.
யாரையுமே நம்பாத தனிமை வாழ்க்கை.. நடிகை கனகாவின் சோகமான வரலாறு!
ஆனால், படத்தின் கதை என்னவாக இருக்கப்போகிறது என்பதைத்தான் முதலில் யோசித்தேன்” என்று வெளிப்படையாகத் தெரிவித்துள்ளார். கதையைக் கேட்டபோதே அது மிகவும் இன்டென்ஸாகவும், மனதைத் தொடும் வகையிலும் இருந்ததாகவும், படப்பிடிப்பின் தொடக்கத்திலிருந்தே தாங்கள் படித்த கதையே திரையில் அப்படியே வந்தது மிகப்பெரிய திருப்தியைத் ஏற்படுத்தியதாகவும் அவர் கூறியுள்ளார்.
