பொதுவாக தேன் ஒரு இயற்கையான சுத்திகரிப்பு பொருள். இது சருமத்தில் இருக்கக்கூடிய எண்ணெய் பசையை நீக்காமல் அழுக்குகளை அகற்ற ஒரு பர்பெக்ட்டானது. ஒரு டீஸ்பூன் தேனை எடுத்து ஈரமான முகத்தில் தடவி மென்மையாக மசாஜ் செய்யும் பிறகு வெதுவெதுப்பான நீரில் கழுவும். அனைத்து சருமத்திற்கும் இதை தாராளமாக பயன்படுத்தலாம். கோடையில் ஏற்படும் வறட்சி, டான், மற்றும் பருக்களை நீக்க தேன் ஒரு சிறந்த இயற்கை மருந்தாகும். அதை எப்படி பயன்படுத்தலாம் என கீழே பார்ப்போம்.
வறண்ட சருமத்திற்கு
சம அளவு தேன் மற்றும் காய்ச்சாத பால் கலந்து முகம், கழுத்தில் தடவவும். 15-20 நிமிடம் கழித்து குளிர்ந்த நீரால் கழுவவும். சருமத்திற்கு தேவையான ஈரப்பதத்தை அளிக்கும்.
சரும பொலிவிற்கு
1 ஸ்பூன் தேன் மற்றும் 2 ஸ்பூன் தயிர் கலந்து முகத்தில் தடவி, 15 நிமிடம் ஊற வைத்து கழுவவும். வெயிலால் கறுத்த சருமம் நீங்கி, முகம் பிரகாசமாகும்.
பருக்கள் மற்றும் வடுக்கள்
1 ஸ்பூன் தேனுடன் சில துளிகள் எலுமிச்சை சாறு கலந்து, பருக்கள் உள்ள இடத்தில் தடவி 10 நிமிடம் கழித்து கழுவவும். பாக்டீரியாக்களை அழித்து, பருக்கள் மற்றும் கரும்புள்ளிகளை மறைக்கும்.
முகப்பரு மற்றும் தழும்புகளுக்கு தேன்.. இப்படி பயன்படுத்தி பாருங்க..!
சருமத்தை சுத்தப்படுத்த
தேனுடன் சிறிது சர்க்கரை அல்லது ஓட்ஸ் கலந்து முகத்தில் மென்மையாக மசாஜ் செய்து கழுவவும். இறந்த செல்களை நீக்கி சருமத்தை மென்மையாக்கும்.
உங்கள் சருமம் அதிக உணர்திறன் கொண்டதாக இருந்தால், முகத்தில் தடவுவதற்கு முன் கைகளில் ‘பேட்ச் டெஸ்ட்’ செய்து பார்ப்பது நல்லது.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
