இந்தியாவில் நாளுக்கு நாள் சர்க்கரை நோயாளிகளின் எண்ணிக்கை அதிகரித்து வருவது அதிர்ச்சி ஏற்படுத்தி வருகிறது. இப்படி சர்க்கரை நோய் ஒருவருக்கு வருவதற்கு உழைப்பில்லாத மோசமான வாழ்க்கை முறையும் உணவு பழக்கங்களும் தான் முக்கிய காரணமாக கருதப்படுகிறது.
இவற்றை ஒருவர் சரி செய்து கொண்டாலே, சக்கரை நோய் வருவதை தடுக்கலாம். மேலும், சக்கரை நோய் பாதிக்கப்பட்டவர்கள் அதை இயற்கை வழியில் கட்டுப்படுத்த பல்வேறு முயற்சிகளை மேற்கொண்டு வருகின்றனர்.
அதில், சிலர் தினமும் உடற்பயிற்சியை மேற்கொள்வதோடு இரத்த சர்க்கரையை கட்டுப்படுத்தும் ஒரு சில உணவுப் பொருட்களை தினமும் உட்கொண்டு வருகின்றனர். குறிப்பாக, வெந்தயத்தில் இரும்புச்சத்து போன்றவை அதிகமாக காணப்படுகிறது.
இதில், உள்ள கரையக்கூடிய நார்ச்சத்து வயிறு மற்றும் குடலில் கார்போஹைட்ரேட்டுகள் மற்றும் சர்க்கரையின் செரிமானத்தையும் உறிஞ்சதலையும் மெதுவாக்குகிறது. இதன் மூலம் உணவுக்கு பின் ரத்தத்தில் சர்க்கரை வேகமாக அதிகரிப்பதை தடுக்கிறது. அதற்கு வெந்தயத்தை வெறுமனே சாப்பிடுவதை விட முளைகட்டி வைத்து சாப்பிடுவது சிறந்தது.
முளைகட்டிய வெந்தயம்
முளைகட்டிய வெந்தயம் இரத்த சர்க்கரையை குறைக்க பலரும் வெந்தயத்தை பொடி செய்து, அதை காலையில் நீரில் கலந்து குடித்துவிட்டு பின் சர்க்கரையே குறையவில்லை என்று புலம்புவார்கள். ஆனால், இப்படி சாப்பிட்டால் பெரிய அளவில் சர்க்கரை குறையாது.
இதை முளைகட்ட வைத்து காலையில், சாப்பிடுவதற்கு 15 நிமிடங்களுக்கு முன் ஒரு ஸ்பூனும், மதியம் சாப்பிடுவதற்கு 15 நிமிடம் முன் ஒரு ஸ்பூன் உட்கொள்ள வேண்டும். கரையக்கூடிய நார்ச்சத்து உண்ணும் உணவில் உள்ள சர்க்கரையை ரத்தத்தில் அதிகரிப்பதை தடுக்கிறது மற்றும் எல்டிஎல் என்னும் கெட்ட கொலஸ்ட்ரால் அதிகரிப்பையும் தடுக்கிறது.
வெந்தயம் கசப்பாக இருக்குமா?
வெந்தயத்தை வெறுமனே சாப்பிட்டால், கசப்பாக இருக்கும். ஆனால், இதை முளைகட்டி வைக்கும் போது, அதில் உள்ள கசப்பு தன்மை போய்விடும். சொல்லப்போனால், வெறும் வெந்தயத்தை சாப்பிடுவதற்கு இது 100 மடங்கு மேல்.
யாரெல்லாம் சாப்பிடலாம்
முளைகட்டிய வெந்தயத்தை பிசிஓடி பிரச்சனை உள்ள பெண்கள் அனைவரும் தினமும் சாப்பிடலாம். பிசிஓடி ஓடியால் தலைமுடி உதிர்வு பிரச்சனைக்கு சார்ந்து இருப்பவர்களுக்கு இது மிகவும் பயனுள்ள மருந்தாக கருதப்படுகிறது. தாய்ப்பால் கொடுக்கும் பெண்களும் முளைக்கட்டிய வெந்தயத்தை தினமும் சாப்பிடலாம். இதனால் தாய்ப்பால் அதிகம் சுரக்கும்.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTV Prime பொறுப்பாகாது.
