இயக்குநர் சுதா கொங்கரா இயக்கிய படம் எல்லாம் மெகா ஹிட். இவரது அடுத்த படம் தான் பராசக்தி. சிவகார்த்திகேயன், ரவி மோகன், அதர்வா நடிப்பில் உருவாகியுள்ள இந்த படம் வரும் ஜனவரி 14ஆம் தேதி உலகம் முழுவதும் வெளியாகிறது.
இந்த படத்திற்கு ஜிவி பிரகாஷ் இசையமைத்துள்ளார். இவருக்கு 100வது படம் என்பதாலும், சிவகார்த்திகேயனின் 25வது படம் என்பதால் கூடுதல் எதிர்பார்ப்பு.
ஏற்கனவே வெளியான அடியே அலையே, ரத்னமாலா போன்ற பாடல்கள் ரசிகர்கள் மத்தியில் வரவேற்பை பெற்றுள்ளது. இந்த நிலையில் இன்று 3வது சிங்கிள் வெளியாகியுள்ளது.
நமக்கான காலம் என தொடங்கும் இந்த பாடலை கல்யாண் எழுதியுள்ளார். பாடகர்கள் ஹரிசரண், நகாஷ் அஜீஸ், வேல்முருகன் என 3 பேர் இந்த பாடலை பாடியுள்ளனர்.
மூன்று விதமான குரல்களில் அமைந்துள்ளதால், தனித்துவமான அனுபவம் இருக்கும் என கூறப்படுகிறது. மேலும படத்தில் உள்ள இசை, தீம் மற்றும் உணர்வுகளை இந்த ஒரே பாடலில் அமைந்துள்ளது. ஒரு வேளை மூன்று நடிகர்களுக்கும் முக்கியத்துவம் கொடுக்கும் வகையில் இந்த பாடல் இருக்கலாம் என சமூக வலைதளங்களில் நெட்டிசன்கள் கருத்து தெரிவித்து வருகின்றனர்.
