ஃபேட்டி லிவர் (Fatty Liver) எனப்படும் கொழுப்பு கல்லீரல் பாதிப்பு உள்ளவர்கள், கல்லீரலைச் சுத்தப்படுத்தவும், அதில் உள்ள நச்சுக்களை நீக்கி ஆரோக்கியமாக வைத்திருக்கவும் உதவும் 3 சக்திவாய்ந்த பானங்கள் குறித்து எய்ம்ஸ் மற்றும் ஹார்வர்டு பல்கலைக்கழகத்தில் பயிற்சி பெற்ற மருத்துவர்கள் பரிந்துரைக்கின்றனர்.
மஞ்சள் கலந்த இஞ்சி நீர்
இஞ்சியில் உள்ள ஆன்டி-ஆக்ஸிடன்ட்டுகள் மற்றும் மஞ்சளில் உள்ள ‘குர்குமின்’ (Curcumin) கல்லீரல் வீக்கத்தைக் குறைக்கவும், கொழுப்பு படிவதைத் தடுக்கவும் உதவுகின்றன. ஒரு டம்ளர் வெதுவெதுப்பான நீரில் அரை ஸ்பூன் மஞ்சள் தூள் மற்றும் சிறிதளவு இஞ்சி சாறு கலந்து குடிக்கவும். தினமும் காலையில் வெறும் வயிற்றில் குடிப்பது கல்லீரலுக்கு மிகச்சிறந்தது.
சர்க்கரை நோயாளிகளுக்கு கறிவேப்பிலை சிறந்ததா?.. அறிவியல் சொல்லும் உண்மைகள் இதோ..!
ஆப்பிள் சைடர் வினிகர் பானம்
இரத்தத்தில் உள்ள சர்க்கரை அளவைக் கட்டுப்படுத்துவதற்கும் இது கல்லீரலில் உள்ள கொழுப்பை எரிப்பதற்கும், உதவுகிறது. ஒரு டம்ளர் நீரில் ஒரு ஸ்பூன் ஆப்பிள் சைடர் வினிகர் மற்றும் சில துளிகள் எலுமிச்சை சாறு கலந்து உணவுக்கு முன்னதாக அருந்தவும். (இதனை நேரடியாகப் பருகாமல், தண்ணீரில் கலந்து பருக வேண்டும்).
கிரீன் டீ
கல்லீரல் செயல்பாட்டை மேம்படுத்த கிரீன் டீயில் உள்ள ‘கேட்டசின்கள்’ (Catechins) , கல்லீரலில் தேங்கியுள்ள அதிகப்படியான கொழுப்பைக் குறைக்கவும் உதவுகிறது. சர்க்கரை சேர்க்காமல் ஒரு நாளைக்கு 1 அல்லது 2 கப் கிரீன் டீ அருந்துவது கொழுப்பு கல்லீரல் பாதிப்பைக் குறைக்க உதவும்.
முக்கிய எச்சரிக்கை
இந்த பானங்கள் ஆரோக்கியமான கல்லீரலுக்கு உதவும் என்றாலும், கல்லீரல் பாதிப்பு தீவிரமாக இருப்பவர்கள் அல்லது வேறு ஏதேனும் மருத்துவ சிகிச்சை எடுப்பவர்கள், உங்கள் மருத்துவரிடம் ஆலோசனை பெற்ற பிறகே இவற்றைக் கடைப்பிடிக்க வேண்டும். பானங்களை மட்டும் நம்பியிருக்காமல், கல்லீரல் ஆரோக்கியத்திற்கு உப்பு, சர்க்கரை, மற்றும் துரித உணவுகளைக் குறைத்து, நார்ச்சத்து மிகுந்த காய்கறிகளை உணவில் சேர்த்துக்கொள்வது அவசியம். தினசரி நடைப்பயிற்சி அல்லது உடற்பயிற்சி செய்வது கொழுப்பு கல்லீரல் பாதிப்பை நீக்குவதற்கு மிக முக்கியம்.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
