பல காய்கறிகள் இருந்தாலும் அழகு குறிப்புகளில் பீட்ரூட்டுக்கு ஸ்பெஷல் இடம் இருக்கிறது. ஊட்டச்சத்துக்கள் நிறைந்த சூப்பர் புட் பீட்ரூட். இந்த பீட்ரூட் உடல் ஆரோக்கியத்தை மேம்படுத்துவது மட்டுமின்றி சருமம் மற்றும் தலைமுடி தொடர்பான பிரச்சனைகளுக்கு தீர்வுகளை கொடுக்கிறது. அவற்றின் ஆரோக்கியத்தையும் மேம்படுத்த உதவுகிறது. பீட்ரூட்டில் இருக்கக்கூடிய ஆன்ட்டி ஆக்சிடென்ட்கள் வைட்டமின் ஏ, வைட்டமின் சி, வைட்டமின் கே, இரும்புச்சத்து போன்றவை சருமத்திற்கும் தலைமுடிக்கும் பல்வேறு மேஜிக்கை செய்கிறது.
முகத்தை பளபளப்பாக மாற்றும் மேஜிக் உணவுகள்.. இயற்கை தந்த மாஸ் தீர்வு..!
பீட்ரூட்டில் இருக்கக்கூடிய நல்ல நிறமி பொருள் பொலிவான சருமத்தை கொடுக்கிறது. முகப்பருக்கள் சரும கருமை மற்றும் முதுமை தோற்றத்தை தடுக்கவும். இவை உதவி புரிகிறது. அது மட்டும் இன்றி பீட்ரூட்டை கொண்டு தலைமுடிக்கு பராமரிப்பு கொடுக்கும் போது அது உங்கள் தலைமுடியை வலுப்படுத்தவும். ஸ்கேல்பில் இருக்கக்கூடிய இரத்த ஓட்டத்தை அதிகரிக்கும். தலைமுடி உதிர்வை குறைக்கவும் உதவுகிறது.
பொலிவிழந்த சருமத்திற்கான பீட்ரூட் பேஸ் பேக்
ஒரு பவுலில் ஒரு டீஸ்பூன் பீட்ரூட் ஜூஸை எடுத்து அதுடன் ஒரு டேபிள் ஸ்பூன் கடலைமாவு, ஒரு டீஸ்பூன் ரோஸ் வாட்டர், சேர்த்து பேஸ்ட் போல் கலந்து கொள்ள வேண்டும். முகம் மற்றும் கழுத்தில் தடவி 15லிருந்து 20 நிமிடம் ஊற வைக்க வேண்டும். பிறகு குளிர்ந்த நீரினால், முகத்தை கழுவ வேண்டும். உடனடி பொலிவு தருவதோடு சருமத்தின் கருமையும் நீக்குகிறது.
முகப்பருவுக்கு பீட்ரூட்
ஒரு பவுலில் ஒரு டீஸ்பூன் பீட்ரூட் ஜூஸை எடுத்து அதுடன் ஒரு டேபிள் ஸ்பூன் எலுமிச்சை சாற்றினை சேர்த்து பஞ்சு உருண்டைகள் நனைத்து முகத்தில் தடவி பத்து நிமிடம் ஊற வைக்க வேண்டும். அதன் பின் குளிர்ந்த நீரில் கழுவ வேண்டும். இந்த ஃபேஸ் பேக்கை வாரத்திற்கு இரண்டிலிருந்து மூன்று நாட்கள் பயன்படுத்தலாம்.
பிரகாசமான முகத்திற்கு
பேஸ் ஸ்கிரிப்பிற்கு ஒரு பவுலில் ஒரு டேபிள் ஸ்பூன் பீட்ரூட் விழுதை எடுத்து அதுடன் ஒரு டேபிள் ஸ்பூன் சர்க்கரை மற்றும் ஒரு டீஸ்பூன் தேன் கலந்து அதை முகத்தில் தடவி மென்மையாக இரண்டிலிருந்து மூன்று நிமிடம் ஸ்கிரிப் செய்ய வேண்டும், அதன் பின் குளிர்ந்த நீரில் முகத்தை கழுவ வேண்டும்.
பீட்ரூட் ஹேர் மாஸ்க்
ஒரு கிண்ணத்தில் இரண்டு டீஸ்பூன் பீட்ரூட் ஜூஸ் எடுத்து அதன் ஒரு டேபிள் ஸ்பூன் ஹென்னா பவுடர் அல்லது கற்றாழை ஜெல்லை சேர்க்க வேண்டும். அதன் பின்னர், ஒரு டீஸ்பூன் தேங்காய் எண்ணெயை கலந்து அதை தலையில் தடவி 30 லிருந்து 40 நிமிடம் ஊற வைத்து ஷாம்புவை பயன்படுத்தி தலையில் அலாச வேண்டும்.
தலைமுடி வளர்ச்சியை ஊக்குவிக்கும் பீட்ரூட்
ரெண்டு டேபிள் ஸ்பூன் பீட்ரூட் ஜூஸ் உடன் ஒரு டீஸ்பூன் நெல்லிக்காய் பொடியை சேர்த்து ஸ்கால்ப்பில் படும்படி 20 லிருந்து 30 நிமிடம் ஊற வைக்க வேண்டும். பின் வெதுவெதுப்பான நீரில் தலைமுடி அளாசிவிட ரத்த ஓட்டத்தை அதிகரித்து முடியின் வளர்ச்சியை ஊக்குவிக்கும் ஊக்குவிக்கும்.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
