சருமத்தை இயற்கையான முறையில் பளபளப்பாகவும், பொலிவாகவும் மாற்ற நினைப்பவர்கள், விலையுயர்ந்த அழகுச் சாதனப் பொருட்களைத் தேடிப் போவதை விட, தினசரி உட்கொள்ளும் உணவில் சில மாற்றங்களைச் செய்தாலே போதும். நம் வீட்டில் இருக்கும் எளிய உணவுப் பொருட்கள் மூலமே தோலின் மினுமினுப்பை அசாத்தியமாக அதிகரிக்க முடியும். உங்கள் காலை, மதிய மற்றும் இரவு உணவோடு சேர்க்க வேண்டிய அந்த “மேஜிக்” உணவுகளின் விவரங்கள் இங்கு கொடுக்கப்பட்டுள்ளன.
- சருமத்தை அழகாக விரும்புகிறீர்கள் என்றால், காலையில் நாம் சாப்பிடும் டிபன் வகைகளுடன் சில இயற்கை உணவுகளைச் சேர்க்கும் போது அது சருமச் செல்களைப் புதுப்பிக்கிறது. காலை உணவுடன் சிறிது பச்சை வேர்க்கடலை, வெங்காயம் சேர்த்தால் சருமம் பளபளப்பாகி பொலிவு பெறும். வைட்டமின் E மற்றும் ஆரோக்கியமான கொழுப்பு அமிலங்கள் (Fatty Acids) சரும வறட்சியை நீக்கி, முகத்திற்கு இயற்கை ஈரப்பதத்தைத் தருகிறது. வெங்காயத்தில் உள்ள சல்பர் மற்றும் ஆன்டி-ஆக்ஸிடன்ட்கள் முகப்பருக்கள் வராமல் தடுக்கின்றன.
- மதிய உணவின் போது சாதத்தின் அளவைக் குறைத்துவிட்டு, ஊட்டச்சத்துக்கள் நிறைந்த காய்கறி மற்றும் பயறு வகைகளை ஒரு கிண்ணம் அதிகமாகச் சேர்த்துக் கொள்ள வேண்டும். அதே போல் மதிய உணவு உடன் முளைகட்டிய பாசிப்பருப்பு அல்லது தட்டைப்பயிறு ஒரு கிண்ணம், கீரை ஒரு கிண்ணம், பச்சை கேரட், கொத்துமல்லி இலைகளை சேர்த்து உட்கொண்டால் சருமத்தில் இருக்கக்கூடிய பல பாதிப்புகள் பாதிப்புகளிலிருந்து விடுபடலாம் சருமமும் பளபளப்பாகும். சருமத்தின் நிறத்தை மேம்படுத்துவதோடு, வெயிலினால் ஏற்படும் கரும்புள்ளிகள் மற்றும் தோல் பாதிப்புகளில் இருந்து முழுமையாக விடுபட வைக்கிறது.
- இரவில் நம் உடல் ஓய்வெடுக்கும் போது தான் சருமச் செல்கள் தங்களை தாமே பழுதுபார்த்துக் கொள்ளும் (Cell Repair). அதற்குத் தேவையான ஆற்றலை இரவு உணவு மூலம் கொடுக்கலாம். இரவு உணவுடன் மூன்று பேரிச்சம்பழம், இரண்டு தக்காளி, ஒரு கிண்ணம் பால் உட்கொண்டு வந்தால் தோலில் மினுமினுப்பு ஏற்படுவதை கண்கூடாக நீங்கள் காணலாம். தோலின் மென்மைத் தன்மையை அதிகரிக்கும். இதனைத் தொடர்ந்து செய்து வந்தால் தோலில் ஏற்படும் மினுமினுப்பை மிகக் குறுகிய நாட்களிலேயே கண்கூடாகக் காணலாம்.
சருமம் எப்போதும் பளபளப்பாக இருக்க ஒரு நாளைக்குக் குறைந்தது 2.5 முதல் 3 லிட்டர் தண்ணீர் குடிப்பதை உறுதிப்படுத்திக் கொள்ளுங்கள். அதிகப்படியான சர்க்கரை, எண்ணெயில் பொரித்த உணவுகள் மற்றும் ஜங்க் ஃபுட்ஸ் (Junk Foods) சாப்பிடுவதைக் குறைத்துக் கொண்டால், சருமத்தின் பொலிவு பல மடங்கு நீடிக்கும்.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
