நட்சத்திரபழம் என்று அழைக்கப்படும் ஸ்டார் ஃப்ரூட்ஸ் ஆசிய நாடுகளில் அதிகம் காணப்படுகிறது. இதன் தோலும் சாப்பிடக்கூடியதாக உள்ளது. இந்த பழுத்த பழம் மஞ்சள் நிறத்தில் இருக்கும். காய் பச்சை நிறத்தில் இருக்கும். இந்த மரத்தை எவர்களின் மரம் என்று அழைப்பார்கள். இந்த மரம் அதிக அளவில் மலேசியாவில் உற்பத்தி செய்யப்படுகிறது.
இந்த பழத்தை அறிமுகப்படுத்தியவர்கள் போர்ச்சுகீசியர்கள், இந்த பழம் புளிப்பு மற்றும் இனிப்பு சுவை கொண்டது. இது சாலட் மற்றும் ஜூஸ்களில் சேர்க்கப்படும். குறைந்த கலோரி நிறைந்த சத்துக்கள் நிறைந்தது. இந்த பழத்தின் ஆரோக்கிய நன்மைகள் குறித்து இந்த பதிவில் காண்போம்.
இந்த பழத்தில் நார்ச்சத்து, காப்பர், மக்னீசியம் மற்றும் பி5 சத்துக்கள் நிறைந்து காணப்படுகிறது. இதில், இருக்கக்கூடிய ஆன்ட்டி ஆக்சிடென்ட்கள் மற்றும் வைட்டமின் பி சத்து ஆக்சிடேட்டிவ் அழுத்தத்திலிருந்து பாதுகாக்கிறது. இதன் நீர்ச்சத்து நோய் எதிர்ப்பு சக்தியை அதிகரிக்கிறது.
இதில் இருக்கக்கூடிய நார்ச்சத்து மலச்சிக்கலை தடுத்து செரிமானத்தை ஆரோக்கியமாக வைக்க உதவி புரிகிறது. வயிறு வீக்கமும் மலச்சிக்கல் பாதிப்பில் இருப்பவர்கள் நீர்ச்சத்து நிறைந்த இந்த பழத்தை உட்கொள்வது நல்லது.
இது செரிமான சக்தியை மேம்படுத்தி, உடல் ஆரோக்கியத்தை கொடுக்கும். இதில், இருக்கக்கூடிய பொட்டாசியம் நரம்புகளுக்கும் தசை இயக்கத்திற்கும் சிறந்தது. இரத்த அழுத்தத்தை கட்டுக்குள் வைக்க உதவி புரிகிறது.
விடாத தலைவலியும் சோர்வும் இருக்கா?.. இந்த அறிகுறியாக கூட இருக்கலாம்.. ஜாக்கிரதை..!
குறைந்த கலோரிகளும் அதிக நார்ச்சத்தும் இப்பழத்தில் நிறைந்து இருப்பதால், இதை உண்ணும் பொழுது வயிறு நிரம்பிய உணர்வு ஏற்படும். இதன் மூலம் வேறு உணவுகளை நாட தோன்றாது. உடல் எடையும் கட்டுப்படும். இதன் ஆன்ட்டி ஆக்ஸிடென்ட் ஆக்ஸிடேட்டிவ் அழுத்தத்தை குறைப்பதும், இளமையாகவும் சருமத்தை எப்பொழுதும் பொலிவோடும் வைத்திருக்க உதவுகிறது.
இதில், இருக்கக்கூடிய அலர்ஜி எதிர்ப்பு பண்புகள் உடலில் எந்தவித அலர்சியையும் ஏற்படுத்தாமல் உடலை ஆரோக்கியமாக வைத்திருக்கும். இதில், குறைந்த கலோரிகள் மற்றும் நார்ச்சத்து உள்ளது. நம் ரத்த சர்க்கரையை கட்டுக்குள் வைக்கும் பண்பை பெற்றது.
நீரிழிவு நோயாளிகள் கூட இந்த பழத்தை உட்கொள்ளலாம். நமது உடலில் நீரின் அளவை கட்டுப்படுத்தக்கூடிய அளவு இதில் தண்ணீர் சத்து நிறைந்து இருப்பதால், இதை உட்கொண்டு வர சோர்வு நீங்கி சக்தி கிடைக்கும். கோடை காலங்களில் உடல் நீர்ச்சத்தோடு இருக்க இந்த பழம் மிகவும் ஏற்றதாக கருதப்படுகிறது. மூலநோய் உள்ளவர்கள் நட்சத்திர பழம் சாப்பிட்டு வர விரைவில் பலனை அடையலாம்.
குளிர் காலங்களில் இந்த பழத்தை உட்கொள்வது சளி, மூக்கடைப்பு போன்ற பிரச்சனைகளும் நீங்கும். இந்த பழம் உண்பதால் சருமம் நல்ல பளபளப்பை பெறுகிறது. இந்த பழத்தை சாப்பிடுவதால் சருமமும் நல்ல மினுமினுப்பாகவும் காணப்படுகிறது. நீர்ச்சத்து நார்ச்சத்து நிறைந்த இந்த பழத்தை உட்கொள்வதன் மூலம் நம் உடலுக்கு தேவையான ஒட்டுமொத்த ஆரோக்கியத்தையும் பெறலாம்.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
