சிவகார்த்திகேயன் நடிப்பில் கமல்ஹாசன் தயாரிப்பில் கடந்த ஆண்டு வெளியான திரைப்படம் அமரன். மறைந்த மேஜர் முகுந்த் வரதராஜின் வாழ்க்கையை மையப்படுத்தி எடுக்கப்பட்டது.
சாய் பல்லவி நடிக்க, ஜிவி பிரகாஷ் இசையமைக்க படம் பெரிய ஹிட் கொடுத்தது. பாடல்கள் பட்டையை கிளப்பியது. சிவா மற்றும் சாய் பல்லவியின் நடிப்பு உணர்வுப்பூர்வமாக அமைந்திருந்தது.
அமரன் மேஜர் ஹிட் ஆனது மட்டுமல்லாமல், சிவகார்த்திகேயனுக்கு பெரிய திருப்புமுனையாக அமைந்தது. 2025ஆம் ஆண்டு அதிக வசூல் செய்த படம் என்ற சாதனையையும் படைத்தது.
முதன்முறையாக சிவகார்த்திகேயன் – சாய் பல்லவி ஜோடி சேர்ந்ததை ரசிகர்கள் கொண்டாடினர். இந்த நிலையில் அமரன் பட வெற்றியை தொடர்ந்து மீண்டும் சிவகார்த்திகேயனுடன் கூட்டணி போட்டுள்ளார் கமல்ஹாசன்.
சிவக்குமார் முருகேசன் இயக்கும் இந்த படத்திற்கு சந்தோஷ் நாராயணன் இசையமைக்க உள்ளார். படத்திற்கு சேயோன் என பெயரிடப்பட்டுள்ளது. முருகனின் பெயரை படக்குழு வைத்துள்ளனர். அரிவாளுடன் சிவகார்த்திகேயன் மிரட்டும் தொனியில் போஸ்டர் வெளியாகியுள்ளது.
ஏற்கனவே சிவக்குமார் முருகேசன் இயக்கியுள்ள தாய் கிழவி திரைப்படத்தை சிவகார்த்திகேயன் தனது தயாரிப்பு நிறுவனம் மூலம் தயாரித்துள்ளது குறிப்பிடத்தக்கது.
ராதிகா சரத்குமார் முதன்மை கதாபாத்திரமாக நடிக்கும் இந்த படத்தின் ட்ரெய்லர் சமீபத்தில் வெளியாகி நல்ல வரவேற்பை பெற்றது. மேலும் ராதிகாவின் மிரட்டலான மேக்கப்பும் வரவேற்பை பெற்றிருந்தது. இந்த படம் வரும் பிப்ரவரி 27ஆம் தேதி வெளியாகும் என அறிவிக்கப்பட்டுள்ளது,.
